Read ZABURA 62

ZABURA62bqp_sim

Ludamɛ utɛki ũ

Dauda lɛ̀ɛ.

¹Luda ado mɛ́ à tò ma laakari kpátɛna,àkũ mɛ́ àdi ma sura ba.²Àkũmɛ ma gbɛ̀si ũ ma surabari ũ,madì gbãna lea, mani yĩgã zikiro.

³Gɛ̃̀n ũgban ánigↄ̃ futɛ gbɛ̃aa?Áni a nɛ lán gbĩ̀ kũ à ɛ̀ à kpánke kara zĩ bàn yá?⁴A gona a tía lɛ́n átɛn kpákũsũ,ɛ́kɛtona mɛ́ àdi kɛárɛ nna.Adì sa mana o gbɛ̃nɛ kũ lɛ́omɛ,akũ adì ń ká á swɛ̃̀ɛ gũn.

⁵Luda ado mɛ́ à tò ma laakari kpátɛna,zaakũ àkũmɛ ma wɛ́ dↄi.⁶Àkũmɛ ma gbɛ̀si ũ ma surabari ũ,madì gbãna lea, mani yĩgã zikiro.⁷Ma aafia kũ ma bɛ̀ɛrɛɛo dì bo a kĩnaamɛ,àkũmɛ ma gbɛ̀si gbãna ũ, ma utɛki ũ.⁸Gbɛ̃nↄ, àgↄ̃ a náani vĩ gↄrↄ sĩnda pínki,à á swɛ̃̀ wɛ̃nɛ, àkũmɛ ó utɛki ũ.

⁹Talakanↄn de lán lɛ́'ĩa bàmɛ,gbãnadenↄn kú pↄ́ke lɛ́iro.Tó ò ń yↄ̃ kilooa,ń pínki nigↄ̃ de fáuunle.¹⁰Àsun gbɛ̃ble'ↄgↄ náani kɛro,àsun ĩa dã kũ kpãni pↄ́oro.Tó á aruzɛkɛ tɛn kↄ̃,àsun tó à á swɛ̃̀ blero.

¹¹Yã mɛ̀n don Luda ò,yã mɛ̀n pla dínↄn ma mà:Luda, mↄkↄ̃n mɛ́ ń gbãna vĩ,¹²Dikiri, mↄkↄ̃n mɛ́ ń gbɛ̃kɛ vĩ,akũ ndì fĩna bo baadinɛ a yãkɛnaaa.

ZABURA 62 / bqp_sim

Ludamɛ utɛki ũ

ZABURA62bqp_sim