Read ዓይኑሞ ማፃኣፖ 61

ዓይኑሞ ማፃኣፖ61mdy_twf

ሜቶፓ ቶሊ ኬስካኒ ሺኢቂንቴ ሺኢጲሢ

¹ፆኦሲዮ! ዒላቶ ታኣኮ ዒናፓ ዋይዜ፤ሺኢጲፆዋ ታኣኮ ዔኬ።²ዒና ታኣኮ ዶጬ ዎዶናሳዖኮ ጋፓ ዓኣዖ ታኣኒ ኔና ዔኤላኔ፤ታ ጊዳፓ ባሼ ዼግ ጌዔ ላላሢ ባንሢዔኪ ታና ዓኣዼ።

³ኔኤኒ ታኣኮ ፑኖ ካያሢኬ፤ታ ሞርካፓ ታ ዓኣሺንታ ዶዲ ኬኤሌ ኔ ታኣኮ ማዔኔ።

⁴ኔ ማኣሮይዳ ናንጊና ታ ናንጎም፤ኔ ጋኣዞ ሺቦ ዴማ ታኣኒ ዔቆም።⁵ፆኦሲዮ ናኣቦ ኔ ታኣሲ ዋይዜኔ፤ኔኤኮ ሱንፆ ዒጊጫ ዓሶም ኔ ጊኢጊሼ ዓንጆታኣማኣ ኔ ዒንጌኔ።

⁶ካኣቲ ናንጎይዳ ሚርጌ ሌዔ ቃሴ፤ሚርጌ ዎዴ ዒዛ ናንጊሼ!⁷ኔ ቤርታ ናንጊና ዒ ካኣታዾንጎ፤ዒዛ ካፓንዳጉዲ ኔኤኮ ማኣሪፆንታ ጉሙርቂንቲፆዋዒዛም ጊኢጊሼ።

⁸ኬላ ኬላ ኔኤም ታ ናኣቤ ናኣቦ ሺኢሺሢናቢያ ዎዴ ጋላታ ዓይኑሞ ታ ኔኤም ዓይናዻንዳኔ።