Manda ainainakinaana mara kaqinni quqaqisaannee innaaru.
1Oo Anutu, anee maasa minniqisaananoo. Anee maasa rafaaqafu qimaqaananoo.Anee maasa aanoo qima qimaqaananoo.Oo Yaawee, kafaa maasa iannai quandafi maasa dadaaqia.2Anee maqa kasiananoo maqa fannoo oo raqaidanoo.Anee maqa oo raqafina kafaa mafi titaa.3Anee maa aukuanna maasa afeeka ummaara doo uqaqifiqaananoo.Mi ummarana manda nammariara foora nimianaqanamasaafanoo narifanoo nifuai nifuai inoo.4Oo Anutu maasa aniara daaquqee marisa namuqaamaasa daru qifaqaa ifaqa anee firaka uqeerainnannai sandaifanoo namuqaa durufeefa nammari araannoo, miqifaqa maasa sia kuridianaura kaqi marianaura.5Oo Yaawee maasa innaaru qirana irisee aneenna afeekannai maasa asumu maraqisaa.Miqimmaseenana ani aidi maria fasiqa anaaseesamandainaina kinaana asumu mariaqeera maraa.6Anutufa narí naaquqara uiqaana maqakiqari maaqi qinau.Qinee ufoona ridaqa Seekeemma maqa maaqa rainasee qeeqa maqannaasa nimianaura.Qinee Sukoota noopundu faqa miqi kai iqa qeeqa maqannaasa rainasee nimianauree qinau.7Kireeata maqa maaqa faqa Mannaseena maqa maaqa faqa qinindi maridanoo fee qinau.Eefaraimma maqa maaqa qeeqa qikiiqa afisi marunna afeeka qafeefara foora maridanoo.Yuda maqa maaqa fannoo qini uriqararausarauqannifiqee mari saunu fara foora maridanoo.8Qinee Anutusa Mooaba maqa maaqa mareeqeenammari difaanirara foora masee ooru dupimma nisaanaura.Qinee Eedooma maqa maaqa qiku aanaamu raipaququqee marunna maqa maaqafa ooreeqarafamariannoo, miqiannanannoo qeeqaindika masaunnana kooroo ianaura.Qinee Firistia maqannaasa urinnaaqaramasee faaqa rumasee ufoona ruanaura.9Oo Anutu, yafee qini aana muquninaqee Eedooma maqannaasa afeeka faandaamuraki keeqafi naruanauree.10Oo Anutufa kuqaa fee anee maasa ameesa uquqiseenanee.Anee sia fee ooqai unnandee inana maasa rakira fasiqauqa faqa oonuree dadaqinnaree.Anee sia maasa rakira fasiqa namufaqa fidana dadaaqi mariananoo.11Anee maasa dadaaqinaqa maasa nári namuqaa narua.Faiqí faiqi dadaaqirafa sia amanaikiannoo.12Anutufa maasa dadaaqinaqa rakiranaki oonuree uriqaraanaura. Mifa maasa namuqaa rafaaqafu nimaqaannoo.