1Mukunga ya mfumu ya miyimbidi,ba ke yimbilaka yawu na nsambi,na nsambi ya basinga nana.Mukunga ya Davidi.2Yave, kupesa ve munu kitumbu na kati ya nkele ya nge,kusemba ve munu na kudasuka nyonso!3Yave, lakisa munu bumbote ya nge, mu kele dyaka na ngolo ve!Yave nyakisa munu, samu ti mu ke na kutekita tii na mikwa!4Nzutu ya munu nyonso ke na kutekita.Nge Yave, tii wapi ntangu?5Yave, kwiza, kuula munu,vuukisa munu samu na bumbote ya nge.6Ya tsyelika, na kati ya lufwa, muntu ve lenda bokila Nkumbu ya nge.Na yinsi ya bantu ya kufwa, nani lenda kembila nge?7Mu me lemba na kuyawula.Konso mpimpa, mu ke fulusaka mfulu ya munu na mansangasa.Mu ke bolisaka mfulu ya munu na maza ya meso ya munu.8Meso ya munu me lemba, samu ti manyongo me lutila.Yawu ke na kutala dyaka mbote ve, samu na bambeni ya munu nyonso.9Beno katuka na sika ya munu, beno bayina ke salaka yimbi,samu ti Yave me kuwa bidilu ya munu.10Yave me kuwa kuyawula ya munu.Yave me ndima lusambulu ya munu.11Bambeni ya munu nyonso me kuma na nsoni,bawu ke na kutekita na boma.Na mpamukunu, bawu ke vutuka na nsoni nyonso.