Yaru Divariri6kpr_tbl

Dara Itatama Use Sonemba Bari Da Benunuri.

1Arie Bajari, erá nandae janje eko use na dombuda seose!Ninda dubo ekoko ariimi erá nandae mema muteose!2Arie Bajari, namokena fakina dadabetira, nandae joka aetesi.Na gofedo irena, ava sedo fakina bofu baone.3Nanda jebuga isambu fakarago, dara bouvugo beká ava itatama eraena.Arie Bajari, ni nanjigo nembo na sonembaresi?
4Fu, na sonembase!Bajari, nandae joka use, erá ambeono dae sise, na saghimbe bu!5Ambari embo da vasa aminda mave ni jo kotae eraera.Aminda mave eniimi nindae jo sakai sae eraera.
6Na dubo mema aimi tumba evia mema itatama use, gevei erena. Nanda avari vasa jivui safegeraira.Nanda guto jivuimi sasaka eraira.7Gitofuimi mema futerona sorara eno diti babojegetiri, gari erebunena.8Bajari, nanda sorara ningira. Ava sedo, ari eko embo nemokena resena, na do darige esike fetevu!9Namo sonembare dae sorara eraena, nu nininguse,nanda benunu da mino muturaira.10Nanda gitofu mo, ne meka gosuse manamana arera.Edo, dudukughe manamana ururoro, ondari darigarera.
expand_more
Search