Zabuli59vid_pbt
Kulanda kwamilwa na Nguluwi
(Kwa yalingwaluchiza kwimba. Kwa kiwhana na “Uleche kuwifya.” Lwimbo lwa Daudi, mhela Sauli loyalajize wapugajizi haluga ha Daudi leka wamkopole.)
1Gwa Nguluwi wa heni, undohole na wang'honyo wa heni,unyamile na hewo walingunhowa.2Undohole na hewo walingudita wihe,umbiche kutali na hewo walingukopola.3Lole Mkulu Nguluwi, wangumhugajiza leka wang'hopole,wanhu wawele na nhumbula zigagadale wangwambuza magazo kwa heni,hanga sibelenhuche ne kudita gehile.4Siditile nongwa, ila nawewika goya kunhowa.Winuche, gwa Mkulu Nguluwi,uye unhanze.5Winuche, gwa Mkulu Nguluwi,Nguluwi yawele na Mong'ho, Nguluwi wa Isilaeli.Ulilimche, uwagaze hewo wanhu wa isi zeng'ha,uleche kuwonela isungu wala wabelenhuche.6Chila matinazo wang'honyo wanguhilukaga,wobwaka kota libwa,na kulubaluba kuli muji.7Lole, ndo maligo yeka galingulawa kuli milomo ja hewo,ulonzi wa hewo wangudumula kota ipanga likali,wangijesa haduhu yalinguwahulika.8Ila, gwa Mkulu Nguluwi kwanguwaseka,kwanguwabeza wanhu wa isi azo zeng'ha.9Ndokubeteza, hegwe uwele mong'ho wa heni,kwa vila hegwe, gwa Nguluwi, ndo ngome ya heni.10Nguluwi wa heni kokuya kwa heni na igano lya heye lya kwimilila,kondita ndiwone wang'honyo wa heni nawalemwela.11Uleche kuwakopola kamwe hela, leka wanhu wa heni waleche kukusemwa,ila uwasambalule kwa ludali lwa hegwe, uwadulise.Gwa Mkulu, hegwe ndo ngawo ya hetwe.12Hewo wanguditaga gehile kwa geng'ha gowalingulonga,ahyo wagwilizwe kuli kidaya kwa hewo.Kwa chiwalo cha kupanjilwa na udesi wa hewo,13uwalakaze kwa ng'halazi ya hegwe,uwalakaze leka waleche koneka kahi,leka wanhu weng'ha wavizele kota hegwe Nguluwi,kwangulongoza walelwa wa Yakobo,mbaka kuli kuduma kwa isi.14Chila matinazo wang'honyo wanguhilukagawobwaka kota libwa,na kulubaluba kuli muji.15Wangukolaga kuno na kula wopala chilyo,na howowa hawegute wangubumaga.16Ila heni ndokwimba lutogo lwa mong'ho wa hegwe,ndotowa luchenze mitondo kwa chiwalo cha igano lya hegwe lya kwimilila,kwa vila hegwe nakuwa ngome ya heni,honhu ha heni ha kubilimila mhela wa magazo.17Hegwe uwele mong'ho wa heni, ndokwimbila lutogo,gwa Nguluwi, hegwe ndo ngome ya heni,Nguluwi ulingumha heni igano lya kwimilila.