Ninge59gfk_tbl
A nianga tupas no tunotuno nong i kure ira ut na ninge: ing da inge iakan ra ninge, da mur no kaungana no ninge “Waak ra Halhaliarai.” Devit ga pit iakan ra ninge. I hinhinawas utano pakana bung ing Sol ga tule ari tunotuno wara munmunuane Devit aram ra uno hala wara bubu bing ie.
1God, halon iau mekaia ta ira nugu ebar.Balaure iau mekaia ta ing diet wara hinarubu ma iau.2Halon iau mekaia ta ira ut na gil nironga,ma nu kap pas iau mekaia ta ira ut na hinarubu bingibing.3Nes baak! Diet mun kawase tar iau.Ira ngangarina tunotuno diet ianga kumaan tika wara hanghagahe bia mon iau,ma iau pai lake tiga harkurai ma taie mah nugu ta sakana magingin, Watong.4Iau pai gil ta nironga, ma sen diet taguro wara hinarubu ma iau.Tut wara harharahut iau. Nanaas tano nugu tamat na tinirih.5Watong God Nong u Dadas Harsakit, no God ta ira Israel,nu taman tut ma nu hapidanau ira kantri ing diet pai Iudeia.Waak u marse ira sakana tunotuno ing diet ianga timaan ma iau iesen diet wara hagahe balik iau.6Diet ngangar ho ira paap ing diet tapukus ra matarahien ruruk,ma diet la hanahaan kumaan hurbit tano pise na hala.7Nes asa diet maruane se ta ira ha diet.A mon sakana nianga ta ira palabulu diet ho ira wise na hinarubu,ma diet tange bia, “Sige tikai i tale bia na hadade dahat?”8Iesen augu, Watong, u kurus diet,ma u hamalentak kaike ra kantri ing diet pai Iudeia.9Augu no nugu dadas. Iau naanaas utaam.God, augu no nugu subaan na munmun.10No nugu God i marse iau ma na hanuat ukai ho iau.Na bale iau bia nigi latlaat taar ta ira sukagu.11Iesen Watong, nuhet bahbahit, waak bia nu bu bing diet.Ira nugu tunotuno diet kabi luban no linge u ga gil ie.Tano num dadas bul hasur diet ma diet naga goota bia haan um.12Bul diet bia no udiet latlaat na hakuni diet,kanong ta ira saksakena ta ira ha dietma ta ira nianga ta ira palabulu diet.Diet la harabota ma diet la iangianga na harhuli,13io kaik, nu hapataam bakut diet tano num ngalngaluan.Nu hapataam bakut diet tuk diet na panim laah.Io kaik, no ula hanuo bakut na nunure bia God i harkurai ta ira Israel.14Diet ngangar ho ira paap ing diet tapukus ra matarahien ruruk,ma diet la hanahaan kumaan hurbit tano pise na hala.15Diet goota hurbit wara adiet ta nian,ma ing bia diet pai hahos diet la kup na sunuah.16Iesen iau ni inge utano num dadas.Ra malaan iau ni inge utano num harmarsaikanong augu no nugu subaan na munmunma no nugu barbarahit tano pakana bung na purpuruan.17God, iau ni inge na pirharlat ukatiga ho ugu, augu no nugu dadas.Augu no nugu subaan na munmun ma no God nong i la marmarse iau.