Nɨawari58hch_wb2
Teyuitɨwamete wa'ukiyari. Kwikarieya xekeneuweiyani «Pepɨkawaka'unani». Rawiri 'utɨarikaya.
1¿Kamɨtsɨ xeme 'itsɨkate, 'aixɨa 'anemekɨ xete'aita,yemekɨ xetewaheitseritɨa kepauka teɨteri xemɨxanetɨarie?2Matsi pɨta wa'atɨ, yu'iyaritsie kemɨkatiheitserie xeteku'eriwa,meta xenanaimarika mɨkɨ kwieyaritsie kanihekɨaka.3'Axateyuruwamete 'amɨtitinuiwatsie 'axameteyurietɨ mekanakɨkani,kemɨ'ane memɨte'itawa yumaamama wahetsie paitɨ meyetetɨ mekaneuyexɨrɨweni.4Kuuterixi mɨyakame kememɨtehexeiya hepaɨ 'aneme mepexeiya,kuu 'amumu'uyewa hepaɨ kaheu'enatɨ mayuyeitɨwa5ka'i'enimɨtɨ timaiweme yuitɨarikaya,tsepa kepauka mɨti'uximaya waɨkawa tiwareutayuitɨiriewetɨ kuuterixi.6Kakaɨyari, keniwaranaye'uniri watamete,Yawé, mɨkɨ mayetsi watamete 'amɨtɨtɨ keniwaranatihapaniri.7'Amamatetsie haa hepaɨ meke'ukakunetɨkɨne,kepauka yutupi memahapani wa'ɨrɨ kehakamurixɨani.8Kɨrɨpu 'aɨrikaya mɨkareutetere hepaɨ meke'ɨyɨninunutsi mɨkitɨ mutinuiwaxɨ hekɨariya mɨka'uxei hepaɨ.9'Atsimekatemaitɨ, xuya hepaɨ meke'anutatani,'eka keware'enitsitɨani, tsepa memɨyuyuri yatɨni memɨwawaki.10Heitserie mexeiya puyukatemawieni kepauka mɨniere petiwarakapitɨwakaku,Kakaɨyari mɨka'ayexeiya xuriyayatsie yewetɨ.11Hikɨ teɨteri mɨpaɨ mepɨtiyuani:«Puyuri heitserie memu'uwa mepɨte'akapitɨariwa yu'iwarikakɨ,puyuri xewitɨ Kakaɨyaritɨtɨ 'apuyeika kwiepa heitserie tiyurienetɨ».