ማዝሙረ ማፃፋ58gof_etw
ፆሳይ ሳአ ኡባ ፕርዳና
ዳዊቲ ዛማረታ ሀላቃስ ፃፍዳ ዎሳ
“ይሶፋ” ጌተትያ ዲ ጩን የፀትዳ ዎሳ
1ደርያ ሃረይሳቶ፥ ቱማ ህንተ ልከ ኦደቴቲ?አሳ ኡባስ ፅሎ ፕርዴቲ?2ግደና፥ ህንተ ዎዛናን ኢታባ ሀልቼታ፤ህንተ ኩሸይ ቢታ ቦላ ጌላባ ኦስ።3ኢታ አስ አየ ኡሎፐ ዶምድ ሀሌስ፤የለትዳ ጋላሳፐ ዶምድ፥ባሌስነ ዎርዶ ኦደቴስ።4ኤንቲ ሾሻዳ ዪሻራ ደኦሶና፤ኤንቲ ቱለ ጎፐዳ ስኦኮና።5ብተይስ አይ ጭንጫ ግድኮካ፥ጎፐይ እያ ፄስ ስኤና።6አቤት ፆሳዉ፥ ጋሞ አች ዳንያ ኤንታ አቻ መን፤ጎዳዉ ኤንታ ሳክልያ ካ።7ኤንቲ ጉክዳ ሃ ግዶ፤ባንታ ዶንግያ ዱክያ ዎደ፥ዶንገ ቶራ አይፈይ ዮ።8ኤንቲ ማይድ ይያ ሳሶዳ ሀኖ፤አየ ኡሎፐ ሀይቅድ ዎያ፥አዋ ፖኦ በኦና ቦሻዳ ሀኖ።9ኤንቲ አጉን ግድድ ዳያናፐ ካሰ፥ኤንቲ ቡሮ ፑቶ ግድድ ደእሽን፥ኤንታ ባ ሀንቁዋን ይሳና።10ናጋራንቾታ ቦላ ሀሎ ከይያ ዎደ ፅሎት ኡፋይታና፤ኢታታ ሱን ባንታ ቶሁዋ ሜጨታና።11ሄ ዎደ አሳይ፥“ቱማ ፅሎታስ ዎይቶይ ደኤስ፤ሳአ ቦላ ፕርድያ ፆሲ ደኤስ” ያጋና።