Womusu58bba_sim
1Womu ɡe Dɑfidi u wom kowobun wiruɡii kuɑ. Ge wee.2Bɛɛ Wɔrukoon tɔmbu,i ko kpĩ i bɑɑwure siri dee dee i n kɑ sere nɔɔ mɑɑri?3Aɑwo, i kɔ̃sɑ mɔ̀wɑ ɡɔ̃ruɔ.Mɑ i bɔbunu ɑyeru kɛ̃mɔ.4Dɑɑ kɔ̃sɑɡii u rɑ sɔ̃ɔsirewɑ sɑɑ win mɛron nukurun di.Wee kowo u rɑ kɔ̃ɔrewɑ sɑɑ win birun di.5Ben nɔɔ ɡɑ rɑ n dɛ̃ɛ yibɑwɑ nɡe wɑɑ,kpɑ bɑ n ben swɑsu kɔruɑ nɡe surɔkɔru6te tɑ kun kĩ tu dobo doboɡibun ɡɑri nɔ,bɑɑ mɑm wi u dobo dobo yɛ̃ru bon ɡɑri.7Yinni Gusunɔ, ɑ bu nɔɔ kɔsukuo.Be, be bɑ sɑ̃ɑ nɡe ɡbee sinɑn kpɛmminu mi,ɑ ben bɑɑ sɑburosu yɑkirio.8A de bu yɑrinɑ nɡe nim mɛ mu kokumɔ,kpɑ ɑ bu twee bu ko kpɑnɔbu.9Bu ɡbio bu yɑndɑ nɡe sokoro,kpɑ ɑ ku de bu sɔ̃ɔ wɑnɡe bii wìn suru kun yibɑ bɑ kɑ mɑrɑ.10Kɑɑ bu ɡurɑwɑ fuuku kɑ woo ɡunɑ sere bu kɑ nɛɛ,weke te bɑ swɛ̃n koru tɑ dɔ̃ɔ wɑ tɑ swĩɑ, bɑɑ dɑ̃ɑ yɑ̀ n ɡbere.11Adɑmɑ ɡemɡii u ko n nuku dobu mɔwɑù n wɑ bɑ nùn mɔru bɑrɑ.U koo win nɑɑsu kpɑkiɑ tɔn kɔ̃sobun yɛm sɔɔ,12kpɑ tɔmbu bu nɛɛ, ɡemɡiiwɑ u koo ɑre wɑ.Domi Gusunɔwɑ u hɑnduniɑn tɔmbu kpuro sirimɔ.