Tumondari God Kena Fitarera, Ainda Gekari.
1Arie God, nandae joka aresa. Ai resira amo, nanda gitofu na de babasigeraera.Sifo evia inono namokena mema bouvu muturaera.2Osogo ari kakato sifo evia inono namokena mema bouvu muturaera.Namokena tataya eraera amo, jo daba etoto iraeri.3Arie, Bajari, na sifo reda oju eraena amo, nanda tumondari nimokena fitiraena.4God nunda sari nanjogo ava eraira aindae, na sakai seraena.Na nanda tumondari God kena fitiraena, ava sedo, genembo eni namokena rejoa arira, na redae oju areni?5Nanda gitofu sifo evia inono namokena dara dombu eni dombu eni eraera.Nenda kotari namokena eko vanembori.6Namoa daoro ambono dae uju use, ne foa dabade junge fetedo,nanda yari furari fuge gosuse, namoa kato eraera.7Arie, God, nenda ari eko ari dae koteraera aindae, daso ghamo barera!Ninda janje ekoimi ururaso kasama edo, ghamo barera.8Nanda irari jarutarigo amo, ni kasama eraesa. Nanda diti jivu ninda roroda averege kaifa aso dae resena.Nanda jivu nanjogo vovoserira tegedo, ninda bukuda gembeso irira, tano.9Na nimokena sonembadae kori sarena amo, nanda gitofu kosegaso jovereghe yarera.Aimi na kasama arena, God nangae irera.10Bajari nunda sari nanjogo urureari na sakai seraena amo, nangae irera ava kasama erena.11Na nanda tumondari numokena fitiraena, ava sedo, genembo eni namokena rejoa arira, na redae oju areni?12Arie God, na nimokena joba rea mutari dae beka gagojusena, ava mutarena.Nindae aiyakoe sise nanda joba nimokena mutarena.13Ai resira amo, na tataya jokáda ambaeteni, avata na saghimbe beso jebuguseni.Ni jo doyaso gitofuimi na de atai fati fetae useri.Ágido, ninda dombuda usasa gosuse, jebuga irena.