Read SAAMUNƆ 56

SAAMUNƆ56bus_sim

Zĩndakpana Ludaa

Lɛ̀ kɛ̀ Dauda dà gurↄↄ kɛ̀ Filisitininↄ à kũ̀ zaa Gata.

¹Ǹ ma wɛ̃nda gwa Luda, wèe pɛɛɛmazi,wègↄ̃ zĩ̀ kaamao wàgↄ̃ wɛ́ɛ tãama gurↄ píngi.²Ma kpàkparinↄ ègↄ̃ pɛɛɛmazi gurↄ píngi,aↄ̃ wada yãnzin aↄ̃ↄe zĩ̀ kaamaozi.

³Tó vĩa e ma kũu, mɛ́ n náanɛ kɛ.⁴Mɛ́ Luda tↄ́ kpá yã kɛ̀ à ò yãnzi,má Luda náanɛ vĩ, mɛ́ vĩa kɛro.Bↄ́n gbɛ̃ntee é fↄ̃ à kɛmɛɛ?

⁵Aↄ̃ègↄ̃ ma yã liɛɛ kpɛɛgãnda gurↄ píngi,aↄ̃ègↄ̃ ma kpákpaa à zaaao.⁶Aↄ̃è kↄ̃ kakↄ̃amazi wà naɛmɛ,aↄ̃è ma kpákpa wàgↄ̃ yezi wà ma dɛ.

⁷Luda, ǹton tó aↄ̃ gbɛ̃ke bↄro,ǹ boriinↄ nɛ kↄ̃n pↄfɛ̃o.⁸Ǹ ma nawɛ̃a yã da,ǹ ma wɛ́ɛ'ikwɛɛna ká n sɛ̀rɛ guu.À kú n takada guuroo?

⁹Tó ma Luda sìsi,ma ibɛɛnↄ é bↄru kpɛɛ,mɛ́gↄ̃ dↄ̃ kɛ̀ à yã sìmao.¹⁰Mɛ́ Luda tↄ́ kpá yã kɛ̀ à ò yãnzi,ee, mɛ́ Dii tↄ́ kpá yã pì ona yãnzi.¹¹Má Luda náanɛ vĩ, mɛ́ vĩa kɛro.Bↄ́n gbɛ̃ntee é fↄ̃ à kɛmɛɛ?

¹²Luda, mɛ́ lù kɛ̀ má sɛ̀mmaanↄ fĩa bo,mɛ́ kɛnnakↄ̃o saa omma.¹³Zaakɛ n ma si gaa lɛ́zĩ, nɛ́ɛ tó ma gɛ̃̀n sìro,lɛ màgↄ̃ táa oonyo gupuraa kɛ̀ è wɛ̃̀ndi kpáḿma guu.

SAAMUNƆ 56 / bus_sim

Zĩndakpana Ludaa

SAAMUNƆ56bus_sim