Nɨawari55hch_wb2
Teyuitɨwamete wa'ukiyari. Rawiri 'ɨkitsikaya. 'Ikɨ kanaritekɨ ke'utakwikarieni.
1Kakaɨyari, nenenewieri keneu'eni,kenemɨmetiwawirie pepɨkayuti'awiwietani.2Kenenanu'eni meta keneneuta'eiya,'uximatɨarika nepexeiya. Kwinimieme pɨnetsiyurie,3mɨnetsi'aye'unie tierikayameta Kakaɨyari memɨka'ayexeiya kememɨte'uyukananaima,mɨkɨ netiuka'eniwame mepɨnetsi'ayeitɨwameta kepauka memuyeha'arɨwe mepɨnetsi'anutate'a.4Ne'iyari putimamawe netaɨta paitɨ,waɨkawa pɨtɨrarɨka nemɨmɨximeni hepaɨ.5Nepuyɨyɨaka marikakɨ,nepɨmariutsie yemekɨ.6Kukuru 'anateya xɨka nehexeiyanike,nepanuwienikeyu hakewa nemeka'uxipieni.7'Ateewa paitɨ nepeyeiwe:makumawetsie neheyeikatɨ nepayeiwe.8Xeiya nepewiwe hakewa nemeneti'awiwietatsie,'eka netsihe'enitsitɨanikɨ'eka kwinimieme mɨtitɨrɨkaɨye.9Ti'aitame, keniwaruka'una, mekayu'eniekame keniwarayeitɨa.Kiekaritsie nanaimarika 'imieri xeikɨa nepɨxeiya,10tukarikɨ meta tɨkarikɨ yukuraru 'utɨa mekanikɨnetɨweni,mɨkɨ kuraruta 'axamɨti'ane xeikɨa kanixuaweni.11Mana 'axamɨti'ane tiyu'uname xeikɨa kanixuaweni,mana kaye 'utɨma 'itarika nanaimarika yakatinixuaweni.12Xɨka mɨnetsi'aye'unie netsi'anutatiexɨani,ne nepinewiwe,xɨka mɨnetsi'aye'unie netsinanaimaka,ne nepɨneti'awietawe.13Peru 'ekɨ pepɨyɨane, tewi nehepaɨ pemɨ'ane,ne'iwa, yemekɨ nehamiku,14'ahamatɨa nemuyeikakai 'aixɨa 'iyari,tanaitɨ Kakaɨyari tukita temeta'axekai.15Memɨnetsi'aye'unie wahetsie mɨɨya ke'aye'ani 'atsimekateha'eriwakaku.Me'ayenenieretɨ teukiyapa mekeheukaxɨrieni,wahetsietsɨ 'axamɨti'ane kaniyekani.16Peru ne Kakaɨyari nekanitahɨawimɨkɨ,mɨkɨta Yawé kanenitawikweitsitɨamɨkɨ.17Ximeri, taikai meta tɨkarikɨnekanehɨaweni ne'uximatɨarietɨ, mɨkɨta kaneni'enieka.18Tsepa yuwaɨkawatɨ memɨnetsimietɨwe,mɨkɨ netukari kaniutawikweitsitɨwani,kuyaxa nehepaɨtsita mieme wewiyakaku.19Kakaɨyari, mɨti'aitame yuheyemekɨ,kaneni'enimɨkɨ mɨkɨ kaniwanutuixitɨamɨkɨ.Mɨkɨ teɨteri hatsuaku mepɨkayupata,Kakaɨyari mepɨkamakaxe.20Yumamate teikɨ mepetsetsera yuhamikuma wahepaɨtsita,peru mepɨkatehaye'atɨwa kememɨteyutipiniri.21Yuteta witsimepɨte'eniuriɨkɨ wiya witsima'ane hepaɨ,peru yu'iyaritsie 'imieri xeikɨa mepuku'eriwa.Waniuki witsipɨ'ane hatseiti hepaɨ,peru 'ixipara mataxikakauni mepɨhɨkɨ.22Yawé ketineyetuiri kepemɨranuyemie,mɨkɨ kamenituikakamɨkɨ,mɨkɨ pɨka'ipitɨani heitserie mexeiya matiwautsenikɨ,yumuinatɨ yuheyemekɨ mɨkayukuhayeikawanikɨ.23'Ekɨ matsi Kakaɨyari, memɨkametsi'ayexeiya pepɨwaratixɨrieniteukiyapa pepɨwareukaxɨrieni,teɨteri xuriya memɨtayeuri memɨte'itawa,mɨkɨ yutukari hixɨapa tɨma mepɨka'utinexɨani.Ne matsi, 'ahetsie nepɨtiwiya.