Talodalo abaaba nia hagadaumee54.0 Taahili ni David, ne huwa i muli digau Ziph guu hula gi Saul mo di hagamodongoohia ang gi mee bolo David la i nadau guongo. (1-Samuel 23.19, 26.1)
1Meenei God, haga dagaloaha ina au gi o maaloo.Hagamehede ina au gi oo mahi!2Meenei God, hagalongo mai gi dagu dalodalo.Hagalongo mai gi agu helekai!3Digau hagamuamua e lloomoi e heebagi mai gi di au.Digau hagawelewele e hagamada bolo ginaadou e daaligi au gii made,nia hagadilinga daangada ala hagalee e hagalaamua a God.4Gei God go dogu hagamaamaa. Di Tagi go dogu dangada daa.5God gi daaligidia ogu hagadaumee i nia hegau huaidu digaula ala e hai.Mee ga daaligi digaula gi daha, idimaa Mee e manawa dahi.6Meenei Dimaadua, au gaa hai dagu tigidaumaha adu gi di Goemo di tenetene.Au gaa hai dagu hagaamu adu gi di Goe, idimaa Goe dela e humalia.7Goe dela ne haga dagaloaha au gi daha mo ogu haingadaa huogodoo,gei au gu gidee ogu hagadaumee ala ne paagege.