Nɨawari53hch_wb2
Teyuitɨwamete wa'ukiyari. 'Ikɨ kwikari kanayukwikani hewayenutuixietɨ. Kwikari Rawiri 'ɨkitsikaya.
1Kemɨ'ane 'atsimɨkatimate mɨpaɨ kanaineni yu'iyaritsie:«Kakaɨyari kaniumaweni».'Axamemɨteyurie mepɨhɨkɨ, naitɨ kememɨteyurie mɨxani'eriwa xeikɨa pɨtihɨkɨ,nixewitɨ tɨma 'aixɨa pɨkatiyuriene.2Kakaɨyari muyuawitsie paitɨ teɨteri kaniwataxeiyani,'iwaunetɨ xeimetimaiweme meta Kakaɨyari kuwauneme.3Peru yunaitɨ mepeuyexɨri'axamepɨte'uyuri yunaitɨ,Xewitɨ tɨma 'apɨka'uyeika 'aixɨa tiyurienetɨ,pumawe nixewitɨ.4¿Kamɨtsɨ 'atsimekatemate 'axamemɨteyurie,kemɨ'ane neteɨterima memɨwakwa'a paa hepaɨ?Hatsuaku Kakaɨyari mepɨkahahɨawe.5Mekaniwamariutani xeikɨa,kepauka mɨkaheuyewetse memɨmamakakɨ.Kemɨ'ane memɨmetsi'aye'uniekai wa'umete Kakaɨyari kaniutaxɨrieni,'ekɨ pekaniwatewiyatsitɨamɨkɨ, Kakaɨyari mɨwarayexɨrikɨ xeikɨa.6Kakaɨyari mɨpaɨ mɨnainenike Tsiyuni tiyuwikweitsitɨwamemɨnanɨ'anike 'ixaheritsixi mɨwatawikweitsitɨanikɨ.Kepauka Kakaɨyari yuteɨterima mɨwarakunuitɨanitsie,Kakuwu kaniyutemawiekamɨkɨ: 'ixaheritsixi meta yunaitɨ mekaniyutemamawiekakuni.