Mana ko ngago hondowa turu haga karu ti lulu ale kago ogo
1Agali timbuni hongohe tingiho kegoí̠nime mana ko bialu kegonaga turu howa mine haabo harego irane aginagabe.Ogonibi biaga kegoNgode Datagaliwabenaga deni í̠ koorene ko biaga kegoni.Ngode Datagaliwabe ibu mini bilinahe howawali agali urunibihondo dara haabo haga kagoni.2Í̠na horo bibahendengi mendeali kago mo ko holene hangu manda bialu haga kegoni.Í̠naga hége leda ne gadele ale howawali agali mende kago podaga kegoni ndobe.Ke̱ howa lolene hangu wai hanalu haabo harili.3Í̠na mana ko bulenego hame lalumana bayale bulenego manga halu haga ke.Ke̱ holene damenego turu haga howabi henene lolenego manga haga kegoni.4Í̠ ke̱ hagaore kegoni.Í̠na bi ko laregomewali agali karu mo tandaga haabo haga kegoni.5Ngode Datagaliwabehanda í̠ni andagaha bederiamo ko howa bo gililo batagi holebira.Ibugua í̠ wali agali dindi ogoria karu babanahabelo bo waholebira.6Wali agali bayale tigabi bu karumeí̠ha mbirale uruni birago hondowati gi timbuni ho holebira.Tigua í̠ hondo oba halu lalu,7Agali o kagome Ngode Datagaliwabehanda ibu biamogo bialumo hongo helo ibuha hana nahe ka.Ibugua ibunaga muni mbirale ngaru hangu mo teneho howamana ko bialu kogome i̱ biamogo biragolakarulape holebero lo manda biaga kago de handa, lolebira.8Anigo i̱ ogonibi ndo kogoni.I̱ Ngode Datagaliwabenaga anda haneniira olibe haradagua bidogoni.Ngode Datagaliwabe ibugua i̱ gubalini ho haabo haga kagonagai̱na ibuhondo mini mbiraore wu haabo kogoni.9Ngode Datagaliwabe-o í̠na i̱ biamogo bialu haga kegonagai̱na í̠hondo ka̱i̱ laabo holebero.Í̠naga wali agalirunaga deni howai̱na í̠naga mini yaraga haluNgode Datagaliwabehanda bayaleore biaga kagoni lalu latagi halu holebero.