Read ዬ ማጻፋ 51

ዬ ማጻፋ51gmv_etw

ካዎ ዳዊቲ ላይማቲዳፔ ጉዬ ናቤ ናታኔይ ኢዛኮ ዪዳ ዎዴ ዳዊቲ ዛማሬታ ካቦስ ዬጺዳ ማዛሙሬ

¹ኣቤት ጾሳዉ!ኔ ሜርና ሲቆዛ ማላታና ማራ፤ኔ ቃታ ዳሮንታ ሞሮዛ ቁጫ።²ታ ኢታቴ ኡባታፔ ሜጫ፤ታ ናጋራፔካ ታና ጌሻ።

³ታኒ ታ ሞሮዛ ኤራይስ፤ታ ናጋራይካኡባቶ ታ ሲንና።⁴ታ ኔና ጻላ ቆሃዲስ፤ቃሴካ ኔ ሲንንኢታ ኦዲስ።ሄሳ ጊሻስኔ ቃጻይዳ ቂጻቴን፥ኔ ታ ቦላ ፒርዲዳ ፒርዳንካኔ ጺሎ⁵ታኒ ታ ኣዪ ኡሎፔዶማዳ ናጋራንቻ፤ዬሌቶሶፌ ሃ ሲማዳካታ ሞራንቻ።⁶ሄኮ ኔኒ ኣሳ ዎዚናፔቱማ ኮያሳ፤ሄሳ ጊሻስታ ጊዶ ኣሳቴኔ ኣ ኤራቴ ታማርሳ።

⁷ሂሶጴ ቦንጮንኔኒ ታና ፒስታ፤ታኒ ጌያና፤ታና ሜጫ፤ታኒ ሻቻፌኣዳ ቦጻና።⁸ኔኒ ታና ኡፋይሲኔሃሹ ጊሲዛ ሚሽ ሲሳ፤ኔ ሜንሬዳታ ሜቄታካ ፓ።⁹ኔ ሲን ታ ናጋራፔሃራሶ ዛራ፤ታ ቆሆ ኡባካ ቁጫ ዲጋ።

¹⁰ኣቤት ጾሳዉ!ኔ ታስ ጌሻዎዚና ሜ፤ሚኖ ኣያና ታ ጊዶን ዎ።¹¹ታና ኔ ሲንፌ ኦሎፓ፤ኔ ጌሻ ኣያናታፔ ኤኮፋ።¹²ኔ ኣቶቴ ኡፋይሳታስ ዛራዳ ኢማ፤ኤኖ ጊሲዛ ኣያናንኔ ታና ኩን።

¹³ሂስቲኮ ታኒ ሞራንቻታኔ ኦጌ ታማርሳና፤ሄ ናጋራንቻቲካኔኮ ሲማና።¹⁴ኣቤት ጾሳዉ፥ታና ኣሺዛ ጾሳዉ!ታኒ ሼምፖ ዎንታ ማላታና ማዳ፤ታ ኢንጻርሳይካኔ ጺሎቴ ጊሻስኢሊሊሳን ዬጾ።¹⁵ኣቤት ጎዳዉ! ታ ዶና ዶያ፤ሂስቲኮ ታ ኢንጻርሳይኔና ጋላታና።¹⁶ኔኒ ያርሾን ኡፋዬቲዛኮታ ኔስ ያርሾ ሺሻና፤ኔ ጊዲኮ ያርሾን ኡፋዬታካ፤ጹጌቲዛ ያርሾ ያርሺኮካኔኒ ኡፋዬታካ።¹⁷ጾሳስ ሺቂዛ ያርሾይኣሽኬ ኣያና፤ኣቤት ጾሳዉ!ሜቂዳ ዎዚና ኔ ካካ።

¹⁸ኣቤት ጾሳዉ!ኔ ዶሳን ጺዮኖ ዱሬሳ፤ዬሩሳላሜ ጊምቤታ ጊምባ።¹⁹ሄ ዎዴ ጺሎቴ ያርሾኒኔዉሪ ጹጌቲዛ ያርሾንኔኒ ኡፋዬታና፤ኮርማቲካ ኔ ያርሺዛሶንያርሼታና።

ዬ ማጻፋ 51 / gmv_etw

ካዎ ዳዊቲ ላይማቲዳፔ ጉዬ ናቤ ናታኔይ ኢዛኮ ዪዳ ዎዴ ዳዊቲ ዛማሬታ ካቦስ ዬጺዳ ማዛሙሬ

ዬ ማጻፋ51gmv_etw