Read ZABURA 51

ZABURA51bqp_sim

Sùrukpana Ludaa

Lɛ̀ kũ Dauda dà gↄrↄ kũ annabi Natã gɛ̀ɛ a kĩnaa a zinakɛna kũ Basɛbao gbɛra

¹Luda, ǹ ma wɛ̃nda gwa n yenyĩ gũn,ǹ ma taarinↄ gogo n mana zↄ̃kↄ̃ yãi.²Ǹ ma durunna kɛ̃ma mà gↄ̃ swáswa,ǹ ma durunna kɛ̃ma míↄmiↄ.

³Má a taarinↄ dↄ̃ sà,ma durunna dìgↄ̃ sãmaguro.⁴Mↄkↄ̃mmɛ ma durunna kɛ̀nnɛ,ma yã kũ ń yeiro kɛ̀.Tó n yã ò, n yã nigↄ̃ zɛ́ vĩ,tó n yãkpatɛ kɛ̀ kũmao, n yã nigↄ̃ nna.⁵Zaa ma da nɛ̀sɛn má vãni,má durunna vĩ zaa ma ina gↄrↄmɛ.⁶Nɛ̀sɛmana mɛ́ àdi kángu,ǹ ↄ̃ndↄ̃ damɛnɛ ma swɛ̃̀ɛ gũn.

⁷Ǹ ma zú o kũ sakoo mà pu swáswa,ǹ ma nɛ̀sɛ pípimɛnɛ mà gↄ̃ púu táitai.⁸Ǹ tó mà pↄnna kɛ kũ yáadↄnaao,ǹ tó ma wá kũ n bùsanↄ were.⁹Ǹsun ma durunnanↄ yã daro,ǹ ma yã vãninↄ bo ǹ zukũna pínki.

¹⁰Luda, ǹ nɛ̀sɛpura damɛnɛ,ǹ ɛra ǹ tó ma laakari gↄ̃ kpatɛna.¹¹Ǹsun ma zukũnaro,ǹsun n Nini símaro.¹²Ǹ ɛra ǹ tó ma pↄ kɛ nnakũ n ma sura bà yãi.Ǹ ma nini gba màgↄ̃ n yã ma,¹³gbasa mà n yã dada yãvãnikɛrinↄnɛ,durunnakɛrinↄ ni ɛra ò arɛ dↄmma.

¹⁴Ǹ ma bo gbɛ̃dɛna yãn,Luda, Luda ma surabarii,mani lɛ̀ sí n yãkɛna a zɛ́a musu.¹⁵Dikiri, ǹ ma gba lɛ́mà n sáabu kpá.¹⁶Sa'onaa dì kɛnnɛ nnaro,tó lɛnlo de ma ò.Sa'opↄ kũ òdi ká tɛ́n à tɛ́ kũ dì kánguro.¹⁷Sa kũ matɛn ommamɛ ma nɛ̀sɛyĩda ũ,ndì wɛ̃ndade sùrude gya boro.

¹⁸Luda, ǹ arubarika da Zaiↄ̃gun pↄyeina mana gũn,ǹ Yurusalɛmu bĩni gba gbãna,¹⁹gbasa sa'ona a zɛ́a ni kángukũ sa'opↄ kũ òdi ká tɛ́n à tɛ́ kũo,oni sa o kũ zùsanɛnↄ n gbagbakia.

ZABURA 51 / bqp_sim

Sùrukpana Ludaa

ZABURA51bqp_sim