Mazimuriyaa50dwr_ltw
Tumo Goynaa
Asaafa mazamuriyaa
1Wolk'k'aama S'oossay, Med'inaa Goday haasayee.Away doliyaasaappe wulliyaasaa gakkanawsa'aan de'iyaa asaa s'eesee.2Puulay kumentsaa lo"a gidiyaa S'iyooneppe S'oossay poo'ee.3Nu S'oossay yaana; c'o"u geena.Ees's'iyaa tamay Aa sintsaana;wolk'k'aama gotii Aa yuushshuwaana.4S'oossay bare asaa pirddiidde,salotuwaanne sa'aa s'eesee.5«Yarshshuwaa yarshshiyaawaan,taananna c'aak'k'eteedda S'oossaa asatuwaa,taakko shiishshite» yaageedda.6S'oossay pirddiyaawaa gidiyaa diraw,salotuu Aa s'illotetsaa odiino.7«Ta asaw, sisa! Taani new oday.Israa'eeliyaa asaw, taani ne bolla markkattay.Taani S'oossaa, ne S'oossaa.8Ne yarshshuwaa dirawunneneeni ubbaa gede shiishshiyaa s'uuggiyaa yarshshuwaa diraw,Taani neena seerikke.9Hewaadankka, ne dirssaappe korumatuwaa,woy ne sikkuwaappe deeshshatuwaa akkanaw koyikke.10Ayaw gooppe, woraan de'iyaa do'atuu ubbatuu tawantta;sha"u deriyaa bollan de'iyaa mehetuukka tawantta.11Taani d'ok'k'a deriyaan de'iyaa kafotuwaa ubbaa eray;dembban de'iyaa med'etetsatuu tawantta.12Taana koshinttonne, taani new odikke:ayaw gooppe, sa'aynne sa'aan kumeeddawe ubbay tawaa.13Taani korumatuwaa ashuwaa mayttaa?Woy deeshshatuwaa suutsaa ushaytaa?14Hewaa diraw, S'oossaw,neeni immiyaa yarshshuu galataa gido;Ubbaappe D'ok'k'iyaa S'oossaw ne k'anggetsaa gatsa.15Yaataade, metuwaa gallassi taana s'eesa.Taani neena ashshana; neenikka taana bonchchana» yaagee.16Shin S'oossay iita asaa hawaadan yaagee;Ta higgiyaa neeni zaara zaaraadde ayaw oday?Woy ta c'aak'uwaa ne doonaan ayaw haasayay?17Neeni ta timirttiyaa is's'aadda;ta k'aalaakka haytsaa bollaanna aatsaada.18Neeni kayisuwaa be'eedda wode,aanana dabbotaadda;Shaarmus'iyaawanttu maabaran gelaadda.19Neeni ne doonaa iitabaa haasayanaw billa yeddaasa.Ne ins's'arssaykka wordduwaa haasayaa meezeteedda.20Ne utteeddasaan ne ishaa iissaade haasayaadda;ne aatti na'aa zigiraasa.21Neeni hawaa ubbaa ootsiyaa wode,taani c'o"u geedda diraw,Taanakka ne mala gaade k'oppaadda.Shin ha"i taani neena seeraynnene balaa ne sintsan payday.22«Hinttenoo, S'oossaa dogiyaawanttoo, hawaa akeekite.Hewe d'ayooppe, taani hinttena mentsereetsana;he wode hinttena ashshiyaawe baawa.23Taw galataa immiyaa Asay taana bonchchee.Bare ogiyaa suurissiyaa asaataani S'oossaa atotetsaa bessana» yaagee.