SAM50cth_bcf
Lannae lahoi lawkcengkung Cathut
Kathutkung: Asaph
1Athakaawme, BAWIPA Cathut ni lawk a dei.Talai heh kanîtho koehoi kanîloum totouh ka kaw.2Meihawinae kuep Zion hoiCathut teh a ang han.3Maimae Cathut tho vaiteh, duem awm mahoeh.A hmalah hmai kang vaiteh, petkâkalup lah kahlî a tho han.4A taminaw lawkceng thai nahanlah,lathueng lae kalvannaw kaw vaiteh, talai hai a kaw han.5Thuengnae lahoi kama koe lawkkamnae ka sak e ka tamikathoungnaw,kai koe kamkhueng awh ati han.6Kalvannaw ni a lannae pâpho naseh.Bangkongtetpawiteh, Cathut ma roeroe heh lawkcengkung doeh.7Oe ka taminaw, thai awh haw, lawk ka dei vai.Oe Isarel, nang taranlahoi ka dei han. Kai heh Cathut na Cathut doeh.8Nange thuengnae dawk na yue mahoeh.Ka hmalah pout laipalah kaawm e hmaisawi thuengnae dawkhai na yue mahoeh.9Na imthung e maitotan ka lat mahoeh.Na saring thung e hmaetan hai ka lat mahoeh.10Bangkongtetpawiteh, ratu dawk e sarang pueng teh kaie doeh.Mon 1,000 touh dawk ka pâ e moithangnaw hai kaie doeh.11Monsom e tavaca pueng ka panue.Mon 1,000 touh dawk ka pâ e moithangnaw hai kaie doeh.12Ka vonhlam pawiteh nang koe ka dei mahoeh.Bangkongtetpawiteh, talaivan hoi a thung e kaawm e pueng teh kaie doeh.13Maitotan moi ka ca han namaw.Hmae thi ka nei han namaw.14Lunghawilawkdeinae thuengnae hah Cathut koe poe haw.Lathueng Poung koe na lawkkamnae hah kuep sak haw.15Runae na kâhmo navah kai hah na kaw haw.Kai ni na rasa han, nang ni hai kai hah na bawilen sak han.16Hatei Cathut ni tamikathout koevah,bangkongmaw ka coungnae hah na pâpho teh,na pahni hoi ka lawkkam hah na pâpho.17Kaie yuenae hah na hmuhma teh,ka lawk hah hnuklah na tâkhawng.18Tamru na hmu toteh tang na kamyawngkhai teh,uicuknaw na hmu toteh tang na kambawngkhai.19Na kâko hah thoenae koe na hno teh,na lai hah dumyennae koe bout na hno.20Na tahung teh, na hmaunawngha tounkhouknae lawk na dei.21Hottelah na o nahlangva kai ni duem na o takhai navah,nama patetlah kai hah na pouk.Hatei, na yue vaiteh na yonnae hah na hmaitung vah peng ka dan han.22Nangmouh Cathut na kapahnimnaw hetheh pouk awh haw.Hoehpawiteh, kai ni koung na phi payon vaih.Karasatkung na tawn mahoeh.23Lunghawilawkdeinae thuengnae ka sak e pueng teh,kai ka bawilen sak e lah ao.A cei nahan lamthung ka pouk e tami koeCathut e rungngangnae lamthung ka pâtue han.