Read SAAMUNƆ 50

SAAMUNƆ50bus_sim

Dↄnzikɛna yãpuraa

Asafa lɛ̀.

¹Dii Luda Gbãapingidee e yã oo,èe lɛ́ zuu anduna gbɛ̃nↄzizaa ↄfãntɛ̃bↄɛ kpa ai à gɛ̃kii kpa.²Luda gakui e bii Zayↄn,wɛ́tɛ kɛ̀ à maakɛɛ papana.³Wa Ludaa e mↄↄ, eégↄ̃ yĩtɛnaro.Tɛ́ kɛ̀ è ń blee kú à aɛ,zàga'ĩa pãsĩ ligazi.⁴Èe musudeenↄ kↄ̃n tↄↄtɛdeenↄ sisiilɛ à e à yãkpaɛ kɛ kↄ̃n a gbɛ̃nↄ.⁵À bè: À ma yãmarinↄ kakↄ̃amɛ,gbɛ̃ kɛ̀ ma bà kúńyo sa'ona gãzĩnↄ.⁶Ludan yãkpaɛkɛri ũ,musudeenↄ è à yãkɛna a zɛ́a kpàakpa kɛ.

⁷À ma, ma gbɛ̃nↄ, má yã vĩ mà oare,Isarailinↄ, mɛ́ a bↄbↄ a dàn,mámbe Luda a Luda ũ.⁸Mɛ́ɛ kpãkɛ̃ɛazi a sa'ona yãnziro,ke sa'opↄ kɛ̀ eègↄ̃ kaa tɛ́n à tɛ́ kũ baa bↄrɛ.⁹Má zùswaree kɛ̀ kú a kpàsan nii vĩro,ke blè kɛ̀ kú a kara guu,¹⁰Zaakɛ nↄ̀bↄsɛ̃tɛnↄ nɛ́ ma pↄ́nↄmɛkↄ̃n pↄ́kãde kpàsa kɛ̀ aↄ̃ↄ kú sĩ̀sĩ pariinↄ musuo.¹¹Má kpii musu bãanↄ dↄ̃ píngi,sɛ̃̀tɛ pↄ́ ketenↄↄ kuu ma pↄ́ ũmɛ.¹²Tó nↄaa e ma dɛɛ, mɛ́ oarero,zaakɛ má anduna vĩ kↄ̃n à pↄ́ kɛ̀ kunnↄ píngi.¹³Mɛɛ̀ zùsware nↄ̀bↄ són yↄ́?Mɛɛ̀ blèkofĩi aru min yↄ́?¹⁴À saa oma kɛ̃nnakↄ̃o pↄ́ ũ,à lù kɛ̀ á sɛ̀ ma Luda Musudea fĩa bo.¹⁵À ma sísi nawɛ̃akɛgurↄ,mɛ́ a bↄ, é bɛ̀ɛ límɛ.

¹⁶Ben Luda bè zaakɛrinↄnɛ:À kɛ̀ dia ée ma yãdiɛnanↄ dↄdↄↄ,bↄ́yãnzin ma bà kuunańyo yã da a lɛ́nzi?¹⁷Á ye ma yãdannɛziro,a ma yãnↄ kpà kpɛɛ.¹⁸Tó a kpãi è, eè à kɛ a gbɛ̃nna ũmɛ,bensↄ̃ eègↄ̃ kaakↄ̃a kↄ̃n zinakɛrinↄ.¹⁹A lɛ́gbɛ zaa,eè lɛ́nnaa kásańnɛ.²⁰Eègↄ̃ a gbɛ̃ndoo pee,eè a da nɛ́ ɛgɛ bo.²¹A yã beeenↄ kɛ̀, ben má yĩtɛna.Ée daa má dɛ lán a bàmɛ,mↄde mɛ́ kpãkɛ̃azi mà a bↄbↄ a dàn.

²²Amↄa kɛ̀ ma yã sã̀aguunↄ, à yã pì ma.Tó lɛn sↄ̃ro, mɛ́ a kɛ gyáigyai,gbɛ̃ke é fↄ̃ à a símaro.²³Gbɛ̃ kɛ̀ kɛnnakↄ̃o saa òmaa bɛ̀ɛ lìmɛ,èe ma gba zɛ́ mà ↄdↄaarelán mɛɛ̀ gbɛ̃nↄ mì sí nà.

SAAMUNƆ 50 / bus_sim

Dↄnzikɛna yãpuraa

SAAMUNƆ50bus_sim