Gagara Ari Da Banungariri.
1Arie Bajari, nanda geka memaghae setena, ava ningi!2Nanda God a Kini, na sonembadae koko resena, ningi! Arie Bajari, na nimokena banungerena.3Ataeghae beká nanda beka niningeresa. Na tofo simbugedo, iji kosughiri,na nimokena benunu sise, mino saso ningari dae kaifa erena.4God, ari ekoko embo rea eraera ava ni imboe eraesa. Ari eko da aito ninda dombuda itako jo fetae arira.5Ni ivuga kakato imboe eraesa, kotugo ari ekoko embo gari beghagha beká eraesa.6Ni gungubo kakato isasambu urureaso, sirivo eraera. Kotugo, mave kokomana de gogorogheraera,nébarago imboe beká ava eraesa.7Avata, ninda dubo bari tomanako aindae na ya ninda kamboda tereraena.Na ninda kambo kakarada tere banunguse, igheghighae tumonde baingheraena.8Bajari, nanda gitofu digari bekári. Giti jijighururaso, ninda uju ava aone!Ninda emboro namokena ijugaso isagha ururari gosuse, ainda amboda amboda aone!9Nanda gitofu da geka jo itako tumondari da kaugo iraeri.Ne, reju irira isambu, de tisari dae kotiseirá gheraera.Nenda geka mo, vivi futo bekári.Avata, nenda kokomana dederuse daoro sirivo aoro dae kotise irá gheraera.10Nenda dara aindae nemoá bu memakena fitaso itatama use, ghamo baeteri.Ne reju ari kotise manaka gayeraera aimi, totofo nemoa gambari sirivo aeteri.Ne ari ekoko futo use, nimokena osogo eraera ágido, ondi, ninda dombuda do darigaore!11O evetu genembo nimokena ambo sose fetarera amo, ivugaghae irore dae resena.Sifo ghousa evia dubo jamaghae yaru sise irá ghedo ghaore!Mave ni dubo buraira ava ivuga aoro dae sise, tavo e!12Geka bekári, Bajari, mave ninda sari ava eraera amo, nine esimbugeraesa.Ninda dubo bari bere amingo aimi ne gagara eraesa.