Read ዬ ማጻፋ 5

ዬ ማጻፋ5gmv_etw

ዳዊቲ ዛማሬታ ካቦስ ሱሱልኤን ዬጺዳ ማዛሙሬ

¹ኣቤት ጎዳዉ!ታኒ ዮቲዛይሳ ኤዝጋ፤ታ ኡንኦን ዎሲዛዎሳካ ሲያ።²ታ ካዎዞ ጾሶ!ታ ኔና ዎሲዛ ጊሻስታና ማዳ ጋዳታ ዋሲዛ ዋሶዛ ኔ ሲያ።³ኣቤት ጎዳዉ!ማላዶ ማላዶ ጉራንኔኒ ታ ቃላ ሲያሳ።ማላዶ ማላዶ ጉራንታኒ ታ ዎሳኔ ሲን ሺሻዳ፥ኔኒ ታስ ኢሚዛ ዛሮኤካና ጋዳ ናጋይስ።

⁴ኔኒ ኢታቴንኡፋዬቶንታ ጾሳ፤ኢታቲ ኔናራ ዴኤቴና።⁵ጬቄቲዛይቲኔ ሲንን ኤቄቴና፤ኢታ ሚሽ ኦዛ ኡባታኔኒ ኢጻሳ።⁶ዎርዶ ሃሳይዛይታኔኒ ይሳሳ።ሱ ጉሲዛይታኔጪሚዛ ኣሳታኔኒ ሃራሴታሳ።

⁷ጊዶ ኣቲን ታኒ ኔ ማሮ ዳሮንኔ ኬ ጌላና።ኔ ጌሻ ኬኮ ሲማዳቦንቾኒኔ ያሻቴንኔስ ጎይናና።⁸ኣቤት ጎዳዉ! ታ ሞርኬታፔኔ ታና ኣሻ፤ታና ኔ ጺሎቴንካካሌ፤ኔ ኦጌ ታ ሲንን ሱሪሳ።

⁹ኢስታ ዶናፔ ኬዚዛ ቃላይቱሙ ጊዴና።ኢስታ ዎዚናንካ ጌኔይ ኩሚዴስ፤ኢስታ ዶናይዶዬቲዳ ዱፎ ማላ፤ኢስቲ ባንታ ኢንጻርሳንኣስ ጪሜቴስ።¹⁰ኣቤት ጾሶ!ኢስታ ቦላ ኔኒ ፒርዳ፤ኢስታ ጌኔይ ኢስታ ኤኪ ቦ።ኢስታ ናጋራይ ዳሮ፤ሄሳ ጊሻስኔኒ ኢስታ ጎዳ ዲጋ፤ኣይስ ጊኮኢስቲ ኔ ቦላ ጌላቲዳ።

¹¹ጊዶ ኣቲን ኔናን ዜምፒዳኡባቲ ኡፋዬቴቶ፤ኢስቲ ሜርናስ ኡፋይሳን ዬጼቶ።ኔ ሱን ሲቂዛኡባቲ ኡፋዬቴቶ፤ኢስቲካ ኔናን ናጌቴቶ።¹²ኣቤት ጎዳዉ!ኔኒ ጺሎታ ኣንጃሳ፤ኔኒ ጎንዳሌን ካሚዛ ማላኔ ኪያቴን ኢስታ ካማሳ።

ዬ ማጻፋ 5 / gmv_etw

ዳዊቲ ዛማሬታ ካቦስ ሱሱልኤን ዬጺዳ ማዛሙሬ

ዬ ማጻፋ5gmv_etw