Womusu5bba_sim
1Dɑfidin womu ɡe u wom kowobun wiruɡii kuɑ kɑ ɡɑɑsirɑru. Ge wee.2Yinni Gusunɔ, ɑ mɑn swɑɑ dɑkio.Gusunɔ, ɑ nɛn weeweenu nɔɔwɔ.3Yinni Gusunɔ, ɑ nɛn wuri swɑɑ dɑkio.Yinni, nɛn sinɑ boko, wunɑ nɑ kɑnɑmɔ.4Yinni Gusunɔ, ɑ rɑ nɛn kɑnɑru nɔ bururu.Yinni Gusunɔ, ɑ rɑ nɛn nɔɔ nɔ sɔ̃ɔ ù n yɑrɑ.Wee nɑ wunɛn wisibu mɑrɑ.5Yinni Gusunɔ, ɑ ku rɑ kɔ̃sɑ kɑ̃.Kɔ̃sɑn kowobu bɑ ǹ wɑ̃ɑ yeru wɑsi wunɛn mi.6Tii suobu bɑ ǹ kpɛ̃ bu yɔ̃rɑ wunɛn mi.A kɔ̃sɑn kowobu tusɑ.7A tɔn ɡowobu tusɑ.A tɑki diobu tusɑ.A rɑ wee kowobu kpeerɑsie.8Adɑmɑ nɛ, wunɛn durom bɑkɑm sɔ̃nɑkon kpĩ n dɑ wunɛn sɑ̃ɑ yerɔ.Wunɛn durom bɑkɑm sɔ̃nɑkon kpĩ n yiirɑ mi ɑ wɑ̃ɑ.Miyɑ kon kpĩ n nun bɛɛrɛ wɛ̃.Miyɑ kon kpĩ n nun sɑ̃.9Yinni Gusunɔ, ɑ sɑ̃ɑwɑ bɔrɔkini.Yinni Gusunɔ, ɑ mɑn swɑɑ sɔ̃ɔsio ye ɑ kĩ n swĩi.Yinni Gusunɔ, ɑ nɛn yibɛrɛbɑ sɔ̃ɔsio mɑwunɑ ɑ mɑn kpɑre.10Ben ɡɑri kun nɑɑnɛ mɔ.Ben yɑrɑ yɑ rɑ n tɔmbu fufu mɔ̀wɑ.Kɔ̃sɑ ben bwisikunu nu rɑ n nɑɑ ɡire.Kɑm kobɑ ben ɡere yɑ rɑ kɑ nɛ.11A bu nɔni sɔ̃ɔwɔ ben tɑɑrɛn sɔ̃.A bu sureo ben tiin yinɑ sɔɔ.A bu ɡiro wunɛn wuswɑɑn di,domi ben durum yɑ kpɑ̃.Bɑ mɑɑ nun seesi.12Be bɑ sɑ̃ɑ wunɛɡibu, kɑɑ de bu nuku dobu wɑ.Kɑɑ de bu kɑtinu kɑrɑ.Kɑɑ de bu yɛ̃ɛri. Kɑɑ bu kɔ̃su.Kɑɑ bu domɑru kuɑ.Kɑɑ bu ɡɑnɛ nɡe tɛrɛru wunɛn kĩrun sɑɑbu,domi bɑ nun kĩ,mɑ bɑ nun mɛm nɔɔwɑmmɛ.