ዓይኑሞ ማፃኣፖ49mdy_twf
ዓይኑሞ ሱኡጋሢ ዓይሣ ጎይፆና ዓይናዺንታ ቆሬ ናኣቶ ዓይኑሞ
ቆሎ ጉሙርቂሢ ዔኤዩሞ ማዒፆ
1ዓሳ ቢያሢ ዋይዙዋቴ!ዓጮይዳ ናንጋ ዴራ ቢያ ዋይዙዋቴ!2ዒንሢ ሂርኬ ዓሶንታ ዼጌ ዓሶንታዖርጎጮንታ ማንቆንታሃያ ዋይዙዋቴ።3ዻንጋ ታኣኮ ዔራቶ ጌኤሲ ጌስታኔ፤ታኣኮ ዒኖ ማሊፃኣ ማሊ ጶቂሥሢ ዔርዛኔ።4ዋዮ ታኣሲ ታኣኒ ኮኦኪንሦ ባንሢ ማሃንዳኔ፤ታኣኮ ዓኣቺፆዋ ሚርጌ ሻዦ ዴንሢ ዋርቆ ጎኦሎዋርቂ ታ ፔጋሳንዳኔ።5ፑርታ ኬሊ ሙኬም ፑርቶ ዓሳ ታና ማንጋኣናታኣኒ ዓይጋ ዒጊጫይ?6ዬያጉዲ ሃሣ ፔኤኮ ቆሎ ጉሙርቃዞንሢናፔ ዖርጎቹሞና ሄርሺንታ ፑርቶ ዓሳታና ማንጌቴያ ዓይጋ ታ ዒጊጫዖ?7ሜሌሢኮ ሼምፓሢ ማሂ ሻንቂ ዓውሳኒ ዳንዳዓ ዓሲጊንሣ ሃሣ ዬያ ማሂፆ ሚኢሾ ፆኦሲም ጪጋኒ ዳንዳዓ ዓሲፔቴታዖ ባኣሴ።8ዓሲኮ ሼምፔ ዛላ ሚኢሼ ጪጊሢ ሚርጌ ሜቶኬ፤ዎዚጉዴ ሚርጌ ሚኢሼ ጪጊንቴቴያ ጊዱዋሴ።9ሃይቁዋጉዲ፥ ዱኡኪንቱዋጉዲናንጊና ናንጋያ ማሃኒዎዚጉዴ ሚርጌ ሚኢሼ ጪጊንቴቴያ ጊዱዋሴ።10ዔሮ ዓሳ ሃይቃያ ማዔሢ ዔርቴያኬ፤ዬይ ዔሮ ዓሳ ዔኤዮና ቤልፆ ዓሶና ዎላ ሄኮ ሃይቃኔ፤ዬያታ ቢያ ቆሎ ፔኤኮ ሃሺ ዴንዳኔ።11ሚርጌ ዴኖም ዔያታ ፔ ሱንሢ ሱንሢ ጌሢ ዔኤሌታቴያዔያቶኮ ዱኡፓ ናንጊና ናንጎ ማኣሮሾይንታፓ ሾይንቲ ሄላንዳኣናዬይ ዔያቶኮ ናንጎ ቤዞ ማዓንዳኔ።12ዓሲ ፔኤኮ ቆሎና ቦንቺንቴ ጎይሣ ጋፒንሢ ሄሉዋሴ፤ጴዺ ባይቃ ቆልሞ ማላኔ።13ዬይ ፔና ጉሙርቃ ዔኤዮ ዓሶናዔያታ ጋዓ ባኮ ዋይዚ ዔካ ዓሶናኮጋፒንፆ ካሮኬ።14ማራይጉዲ ሳዓ ዴሜም ዔያታ ጊኢጌያኬ፤ሃይቢ ዔያቶ ማራይ ሄንቆሢጉዲ ሄንቃንዳኔ፤ፒዜ ዓሳ ጉቴና ዔያቶ ዎይሣንዳኔ፤ፔኤኮ ቦንቺንቴ ማኣራፓ ሃኪ ሳዖ ዴማ ዔያታ ዎዓንዳኔ።15ፆኦሲ ጋዓንቴ ሼምፓሢ ታኣኮ ሳዖ ዴማፓማሂ ሻንቂ ዔካንዳኔ፤ጎኔና ዒዛ ቤርታ ታኣኒ ዔርቴያኬ።16ዓሲ ዖርጎቺ ማዓዛዖርጎቹማኣ ሚርጊ ሚርጊ ዓኣዻዛዒዛ ዒጊጪፖ።17ዒዚ ሃይቄ ዎዶና ዔኪ ዓኣዻንዳ ፔቴ ባኣዚታዖ ባኣሴ፤ዬይ ቆላ ዒዛና ዎላ ዱኡቲንዱዋሴ።18ዓሲ ፔኤኮ ናንጋ ዎዶማና ዎዛዼያታቴያቢያ ባካ ዒዛም ጊኢጌሢሮ ዒ ጋላቲንታያ ማዔቴያ፥19ሃይቂ ላሚ ዒ ፖዒ ዛጉዋ ቤሲፔኤኮ ቤርታኣ ዓዶንሢ ባንሢዒዚ ዓኣዻንዳኔ።20ማሊ ጶቂሥሢ ባኣ ዖርጎቺ ዓሲካይዚ ቦዖጉዲ ጉሪ ሃይቂ ባይቃያኬ።