Sam
47
/
ntu_wbt
Yawe Kc Tqmyatxlz-esz'ngr
Nabz ne nqvi lr Kora.
Naglqpxku Yawe
1
Nigu leplz amrlx na-ayrlewzku da
Mz nzngr-abrtz-kato-krbzku mz Yawe, Gct rgu.
2
Murde na-amrlueku nide kc tqmyatxlz-esz'ngr,
Mz nzngini-krde King kxmatq kc tqaclvele nrlc.
3
Batrpzle nzaovxio-krgu lr mrkzbleng,
Mz nzmnclz-krmlr bagu.
4
Nigu leplz ngr nqvi lr Jekop kcng tqmrlzting Yawe,
Bilvzpeku drtc' kc tqmcpxbzle nangi nyzgu.
King Rgu
5
Mzli kc Yawe tqwxbuo-ngrmle mz tron nyzde Mangr-nzangiongr,
Sc tqrvxupeku trpu x tqmalq-katopeku mz nzabrtzlvz-krgu nide.
6
Nangr-katobzku mz Yawe Gct rgu.
Murde nide King rgu, nangr-katobzku bade.
7
Naglqlzku nide mz nabz kxyrlvi,
Murde nide King r nrlc tulvzo.
8
X wxbu mz tron kxtr nyzde,
Mz nzaclve-krde neidu amrlx.
9
Kxnzmailzlr lr mrkzbleng nzaxvctr-lzbqmqng bagu, nigu leplz neng Gct r Ebraam.
Murde Gct kc tqmyatxlz-esz'ngr myaszpxle king amrlx mz nrlc.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter