ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܒܢܝ̈ ܩܘܪܚ.
1ܡܚܹܝܡܘܼܢ ܟ̰ܲܦܹ̈ܐ ܟܠܵܝܗܝ ܥܲܡܡܹ̈ܐ،ܩܲܘܸܚܘܼܢ ܠܐܲܠܵܗܵܐ ܒܩܵܠܵܐ ܕܫܘܼܒ݂ܚܵܐ.2ܣܵܒܵܒ ܡܵܪܝܵܐ ܥܸܠܵܝܵܐ ܣܲܗܡܵܢܵܐ ܝܠܹܗ،ܡܲܠܟܵܐ ܓܘܼܪܵܐ ܥܲܠܔ ܟܠܵܗ̇ ܐܲܪܥܵܐ.3ܩܵܡ ܙܲܒܛܸܢ ܥܲܡܡܹ̈ܐ ܬܚܘܿܬܲܢ،ܘܐܸܡܘܵܬܹ̈ܐ ܬܚܘܿܬ ܐܲܩܠܵܬܲܢ̈.4ܩܵܡ ܓܲܒܹܐ ܩܵܬܲܢ ܝܵܪܬܘܼܬܲܢ،ܫܘܼܒ݂ܗܵܪܵܐ ܕܝܲܥܩܘܿܒ݂، ܗ̇ܘ ܕܡܘܼܚܸܒ ܠܹܗ. ܣܹܠܵܗ5ܐܣܝܼܩ ܠܹܗ ܐܲܠܵܗܵܐ ܒܩܲܘܲܚܬܵܐ،ܡܵܪܝܵܐ ܒܩܵܠܵܐ ܕܫܝܼܦܘܿܪܵܐ.6ܙܡܘܿܪܘܼܢ ܠܐܲܠܵܗܵܐ، ܙܡܘܿܪܘܼܢ،ܙܡܘܿܪܘܼܢ ܠܡܲܠܟܲܢ، ܙܡܘܿܪܘܼܢ.7ܣܵܒܵܒ ܐܲܠܵܗܵܐ ܝܠܹܗ ܡܲܠܟܵܐ ܕܟܠܵܗ̇ ܐܲܪܥܵܐ،ܙܡܘܿܪܘܼܢ ܡܲܣܟܝܼܠܔ.8ܒܸܥܒ݂ܵܕܵܐ ܝܠܹܗ ܡܲܠܟܘܼܬܵܐ ܐܲܠܵܗܵܐ ܥܲܠܔ ܐܸܡܘܵܬܹ̈ܐ،ܐܲܠܵܗܵܐ ܝܬܝܼܒ݂ܵܐ ܝܠܹܗ ܥܲܠܔ ܟܘܼܪܣܝܵܐ ܕܩܘܼܕܫܹܗ.9ܓ̰ܡܝܼܥܹܐ ܝܢܵܐ ܢܲܨܝܼܚܹ̈ܐ ܕܥܲܡܡܹ̈ܐ،ܥܲܡܵܐ ܕܐܲܠܵܗܵܐ ܕܐܲܒ݂ܪܵܗܵܡ،ܣܵܒܵܒ ܡܵܛܵܠܹ̈ܐ ܕܐܲܪܥܵܐ ܕܐܲܠܵܗܵܐ ܝܢܵܐ،ܗ̇ܘ ܪܵܒܵܐ ܦܝܼܫܵܐ ܝܠܹܗ ܪܝܼܡܵܐ.