Zabuli46kdc_pbt
ZABULI YA 46
(Zabuli ya ulelo wa Kola. Kwa kilanja, yatumie modeli wa Alamoti.)
1Imulungu kumwetu siye ayo kimbililo na nguvu,msaada ukoneka kipindi chose cha magazo.2Avo hatudumba hata isi yahatigisika,na vigongo vahatulika,3hata kamba mazi gahabuma na kutibuka,na vigongo vahamong'onyoligwa kwa ng'humbi yake.4Kuna lwanda awo miloka yake yodideng'heza dibuga da Imulungu,hanhu hong'ala aho hoyokala ayo Yeli Uchanha Ng'hani.5Imulungu kahagati ya dibuga na hadihumuluswa,Imulungu koditaza ulukwili na imitondo.6Wanhu wa isi ziyagwe odumba na oding'huka na undewa ogwa,heyo kokwinula sauti yake, isi yose yolumbuka.7Mndewa Imulungu yeli na udahi wose kahamoja na siye,Imulungu wa Yakobo ayo ngome yetu.8Mwize mulole gaja gayatendile Mndewa Imulungu,loleni viyaitendile isi vihame.9Koimiza ng'hondo mbaka kuihelela isi.Koubena upinde na koubenabena mgoha,koisoma moto mituka.10“Nyamaleni mjuwe kamba niye ayo Imulungu,notogolwa hagati ha iwanhu wa isi zose,notogolwa na isi yose.”11Mndewa Imulungu yeli na udahi wose kahamoja na siye,Imulungu wa Yakobo ayo ngome yetu.