Zabuli44vid_pbt
Kulanda kwamilwa na Nguluwi
(Kwa yalingwaluchiza kwimba. Ilanguso lya Wakola.)
1Gwa Nguluwi, hetwe natuhulika kwa makutu ga hetwe,wasekulu wa hetwe nawatusimilambuli zouditile mihela ja hewo,ena, mbuli zouditile aho katali.2Kwa moko wa gwegwe baho nakuwawinga wanhu wa isi zinji,honhu ha hewo nakuwawika wasekulu wa hetwe,nakuwagaza wanhu wa isi zinji,nakuzidita mbuli za wasekulu wa hetwe zilutilile goya.3Wasekulu wa hetwe hawaiholile isi kwa mipanga ja hewo,ne kusumya kwa mong'ho wa hewo,ila nakuwadita wasumye kwa moko wa hegwe,kwa kuwalangazila kumeho kwa hegwe,kwa vila nakuwagana hewo.4Hegwe ndo mndewa wa heni na Nguluwi wa heni.Wamule walelwa wa Yakobo wasumye.5Kwa mong'ho wa hegwe twanguwasumya wang'honyo wa hetwe,kwa ludali lwa hegwe,twanguwabiga walingututowa.6Heni hambe nditumbile ipinde lya heni,ne ipanga lya heni haliweza kundohola.7Hegwe ndo uwele utulohole kwa wang'honyo wa hetwe,nakuwadita walingutuzudila wabasigwe soni.8Mazuwa gose tochidayila hegwe, gwa Nguluwi,tolitogola itagwa lya hegwe mazuwa gose.9Ila nakutuleka na kutubasa soni,hambe ulutase kahi na chilundo cha wamizi wa hetwe.10Nakutudita tuwabilime wang'honyo wa hetwe,nawo nawahola lufufu lwa hetwe.11Nakutudita kota ming'holo jilinguhilikwa kudumuligwa singo,nakutusambalula kuli isi zinji.12Nakuwaguza wanhu wa hegwe kwa sendi nyindo,ne kuwa na chinhu choneche cha mzidi kulawa kuli kuwaguza hewo.13Nakutudita tulonjelezwe na wotulingikalasa habehi,nawo wangutubeza na kutuseka.14Nakutudita tubezigwe na wanhu wa isi zinji,wangutigasa vitwi vya hewo kwa kutubeza.15Nemisi yeng'ha soni naingubika,kumeho kwa heni kumema soni,16kwa ulonzi na kubeza kwa walingundiga,kwa chiwalo cha wang'honyo wa heni na wahilula chibida.17Aga geng'ha nagatufika hetwe,hanga hatukusemwile,ne hatubenile ilagano lya hegwe.18Hatukubelenhuche,ne kuzileka nzila za hegwe.19Ila nakutuleka tuwele tutochile ng'hatu hali honhu ha mibwa ja kisolo jing'hang'hale,nakutuleka kuli jiza ng'hulu.20Wone twahakusemwile hegwe Nguluwi wa hetwe,na kumbilimila mlungu wa udesi,21gwa Nguluwi, wahavizelele mbuli ayo,kwa vila hegwe nakuuzela uviso wa mnhumbula.22Ila kwa chiwalo cha hegwe, twangukopoligwa chila zuwa,twanguditilwa kota ming'holo jilinguhilikwa kudumuligwa singo.23Gwa Mkulu, ulilimche. Lekachoni nakuwasa?Winuche. Dedede uleche kututoza mazuwa gose.24Lekachoni kwangivisa kutali na hetwe,na kusemwa magazo na kubunzwa kwa hetwe?25Natuduliswa mbaka kuli nhimbwisi,natunanahila kuli misanga.26Winuche, uye kututanza.Utugombole kwa chiwalo cha igano lya hegwe lya kwimilila.