Mazmure Maxaafa44gof_ltw
Nuna Maaddanaw Ellesa
Qore Nayti Zammare Halaqaas Xaafida Mazmure
Akeekan xaafida ginxo
1Xoossaw, beni wode ne oothidaba nu si7ida;nu aawata wode ne oothidaba nuus odidosona.2Kawotethata ne kushen goodda kessadasa;nu aawata enta biittan tokadasa.Hara kawotethata seeradasa;shin nu aawata aakisadasa.3Enti banta mashshan olidi he biitta laatibookona;enti banta minotethan xoonibookona.Shin neeni enta dosida gisho,enta ne ushacha kushey, ne qeseynnene som7uwa poo77oy xoonisis.4Yayqooba kochaas xoono kiittiya,ta kawoynne ta Xoossay nena.5Nenan gididi nu morketa xoonana;ne sunthan nuna ixeyisata yedhana.6Taani ta tooran ammanetike;ta mashshay tana ashshena.7Shin ne nuna nu morketape ashshaasa;nuna ixeyisata neeni kawushaasa.8Nuuni ubba wode Xoossan ceeqetana;ne sunthaa merinaw galatana. Salaha.9Shin ha77i nuna aggadasa; kawushadasa;nu olanchotara issife olas keyaka.10Nu morketa sinthafe nuna baqatisadasa;nu ixeysati nuna bonqidosona.11Nuna dorsada shuhas aatha immadasa;kawotethata giddon nuna laalladasa.12Neeni ne asaa laafa gaten bayzadasa;ay wodheka demmabaaka.13Nu shooroti nuna boranaada oothadasa;nu heeran de7eysati nuna qilqisanaadannenu bolla miicanaada oothadasa.14Nuna kawotethata giddon hayses aggadasa;enti banta huuphiya nu bollaqaathana mela oothadasa.15Gallas kumethi taani tooshetas;ta som7uwa yeelli kammis.16Hessi haniday tana cayeysatanne boreyisata gaasoninne,ta morketanne tana mandeyisata gaasona.17Nuuni nena dogonna de7ishin,ne caaquwa menthonna de7ishin,ha ubbay nuna gakis.18Nu wozanay nena aggibeenna;nu tohoy ne ogiyape kare keybeenna.19Shin neeni nuna mentherethadado7a ollan yeggadasa;sakana dhuman kammadasa.20Nu, Xoossaa sunthaa dogidaba gidiyako,hara xoossatako nu kushiya miccidaba gidiyako,21Wozana xuuraa Xoossay eriya gisho,I haysa xeellidi demmennee?22Gidoshin, ne gisho ubba gallas hayqoos;shukanaw efiya dorsada taybetida.23Godaw, denda, Ayis dhiskay?Denda, merinaw nuna aggofa.24Ne som7uwa nuupe ayis genthay?Nu qohuwanne nu un7aa ayis dogay?25Nuuni baanan yegetida;nu asatethay biittara oyketis.26Godaw, denda, nuna maadda;ne siiquwa gisho gada nuna woza.