lralà ly’okuj’omu ka-Nyamuzinda
1Ontwîre olubanja, Nnâmahanga, ondêrhere nyâze eyo mihera, onandîkûzekwo erya ndyâlya y’ecishungu.2Bulya Nnâmahanga, we buzibu bwâni; cirhumire wanyôza? Cirhumire nciyumva ogu mutula gw’akushimbwa n’omubisha?3Orhume obumoleke bwâwe n’oburhabêsha bwâwe, byo byandusa bìnyêrek’enjira, byo byampisa oku ntondo yâwe ntagatîfu n’omu birâlo byâwe.4Njâge aha ìbuye lya Nyamuzinda obwo aha burhambi bwa Nyamuzinda orhuma nasîma nanshagaluke. Nkuzagye Nyamuzinda obwo, mmanule olulanga nkuzemwo Nyamuzinda wâni.5Murhima gwâni, carhuma warhoga? Carhuma wandwîrira omu nda? Cîkubagire Nnâmahanga: niono nkola nashub’imukuza, ye bucire bw’obusù bwâni, ye na Nyamuzinda wâni.