ⵉⵥⴻⵀⵀⵉⴷⴻⵏ42rif_tti

ⴰⴷⵍⵉⵙ ⵡⵉⵙⵙ ⵜⵏⴰⵢⴻⵏ - ⵉⵣⴻⵀⵀⵉⴷⴻⵏ 42-72

1ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵅⴻⵎⵎⵉ ⵏ ⴰⵢⵜ ⵏ ⵇⵓⵔⴰⵃ.
2ⴰⵎ ⵉⵖⴰⵢⴹ ⵏ ⵡⴻⵣⵖⴰⵔ ⵉⵜⵜⵎⴻⵥⵔⵉ ⵖⴰⵔ ⵜⵖⴻⵣⵔⴰⵜⵉⵏ ⵏ ⵡⴰⵎⴰⵏ, ⴰⵎⵎⵓ ⵓⵍⴰ ⴷ ⵓⵍ ⵉⵏⵓ ⵉⵜⵜⵎⴻⵥⵔⵉ ⵖⴰⵔⴻⴽ, ⴰ ⴰⵔⴻⴱⴱⵉ.3ⵍⴻⵄⵎⴰⵔ ⵉⵏⵓ ⵉⵜⵜⴼⴰⴷⴰ ⵖⴰⵔ ⴰⵔⴻⴱⴱⵉ, ⵖⴰⵔ ⴰⵔⴻⴱⴱⵉ ⵉⴷⴷⴰⵔⴻⵏ. ⵎⴻⵍⵎⵉ ⵉ ⵖⴰ ⴰⴷⴼⴻⵖ, ⴰⴷ ⴱⴰⵏⴻⵖ ⵣⵣⴰⵜ ⵉ ⵡⵓⴷⴻⵎ ⵏ ⴰⵔⴻⴱⴱⵉ?4ⵉⵎⴻⵟⵟⴰⵡⴻⵏ ⵉⵏⵓ ⵜⵓⵖⴰ ⴰⵜⴻⵏ ⴷ ⴰⵖⵔⵓⵎ ⵉⵏⵓ ⴰⵙⵙ ⴷ ⴵⵉⵍⴻⵜ, ⵓⵎⵉ ⴷ ⴰⵢⵉ ⵇⵇⴰⵔⴻⵏ ⴰⵙⵙ ⵉⵎⵓⵏ: “ⵎⴰⵏⵉ ⵉⴵⴰ ⴰⵔⴻⴱⴱⵉ ⵏⵏⴻⵛ?”5ⵏⴻⵛⵛ ⵜⵜⵉⴷⴰⵔⴻⵖ ⴷⵉ ⵎⴰⵏ ⴰⵢⴰ ⵓ ⵙⵙⴼⴰⵔⵔⵖⴻⵖ ⵍⴻⵄⵎⴰⵔ ⵉⵏⵓ ⴷⴰⵢⵉ, ⵎⴰⵖⴰⵔ ⵏⴻⵛⵛ ⵜⵜⵏⵓⵎⴻⵖ ⴳⴳⴻⵄⵄⴷⴻⵖ ⴷⴻⴳ ⵉⵊⵊ ⵏ ⵓⵀⵉⵎⵓⵔ ⵉⵇⵇⴻⵏ, ⴰⵎ ⴳⴳⵓⵔⴻⵖ ⴰⴽⵉⴷⵙⴻⵏ ⵖⴰⵔ ⵜⴰⴷⴷⴰⵔⵜ ⵏ ⴰⵔⴻⴱⴱⵉ, ⵙ ⵍⵃⴻⵙⵙ ⵏ ⵓⵙⵍⵉⵡⵍⴻⵡ ⴷ ⵓⵇⴰⴷⵉ, ⵉⵊⵊ ⵏ ⵍⵖⴰⵛⵉ ⵉⵜⵜⵄⴻⵢⵢⴷⴻⵏ.6ⴰ ⵍⴻⵄⵎⴰⵔ ⵉⵏⵓ, ⵎⴰⵢⴻⵎⵎⵉ ⵜⵇⴻⵏⴹⴻⴷ ⴰⵎⵎⵓ, ⵜⵀⴻⴽⴽⵡⴻⵍⴻⴷ ⴷⴰⵢⵉ? ⵔⴰⵊⴰ ⴰⵔⴻⴱⴱⵉ, ⵎⴰⵖⴰⵔ ⴰⴷ ⵇⵇⵉⵎⴻⵖ ⴰⴷ ⵜ ⵇⴰⴷⵉⵖ ⵄⴰⴷ ⵅ ⵉⵙⴻⵏⵊⴰⵎⴻⵏ ⵉ ⴷⴷ-ⵉⵜⵜⴻⴼⴼⵖⴻⵏ ⵣⵉ ⵣⵣⴰⵜ ⵏ ⵡⵓⴷⴻⵎ ⵏⵏⴻⵙ.
7ⴰ ⴰⵔⴻⴱⴱⵉ, ⵍⴻⵄⵎⴰⵔ ⵉⵏⵓ ⵉⵇⵏⴻⴹ ⴰⵎⵎⵓ ⴷⴰⵢⵉ. ⵅ ⵓⵢⴰ ⵜⵜⵉⴷⴰⵔⴻⵖ ⵛⴻⴽ ⵣⵉ ⵜⴻⵎⵎⵓⵔⵜ ⵏ ⵍ’ⵓⵔⴷⵓⵏ, ⵣⴻⴳ ⵉⴷⵓⵔⴰⵔ ⵏ ⵀⵉⵔⵎⵓⵏ, ⵣⴻⴳ ⵉⴷⵓⵔⴰⵔ ⵏ ⵎⵉⵚⵄⴰⵔⴰ.8ⵍⵃⴻⵎⵍⴻⵜ ⵜᵉⵜⵜⵍⴰⵖⴰ ⵉ ⵍⵃⴻⵎⵍⴻⵜ ⵏⵏⴻⵖⵏⵉ ⵖⴰⵔ ⵣⵣⵀⵉⵔ ⵏ ⵉⵛⴻⵔⵛⵓⵔⴻⵏ ⵏⵏⴻⵛ, ⵎⴰⵔⵔⴰ ⵍⴻⵎⵀⴰⵎⴻⴷ ⵏⵏⴻⵛ ⴷ ⵍⴻⵎⵡⴰⵊ ⵏⵏⴻⵛ ⴽⴽⵉⵏ ⵅⴰⴼⵉ.9ⴻⵊⵊ ⵙⵉⴷⵉ ⴰⴷ ⵉⵡⴻⵚⵚⴰ ⵜⴰⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ ⵙ ⵡⴰⵙⵙ, ⵓⵛⴰ ⴰⴷ ⵖⴰⵔⵉ ⵢⵉⵍⵉ ⵢⵉⵊⵊ ⵏ ⵉⵣⵍⵉ ⴷⵉ ⴵⵉⵍⴻⵜ, ⴰⵇⴰ-ⵜ ⴷ ⵜⵥⴰⴵⵉⵜ ⵉ ⴰⵔⴻⴱⴱⵉ ⵏ ⵜⵓⴷⴰⵔⵜ ⵉⵏⵓ.10ⵏⴻⵛⵛ ⴰⴷ ⵉⵏⵉⵖ ⵉ ⴰⵔⴻⴱⴱⵉ: “ⵜⴰⵚⴹⴰⵔⵜ ⵉⵏⵓ ⴷ ⵛⴻⴽ, ⵎⴰⵢⴻⵎⵎⵉ ⴷ ⴰⵢⵉ ⵜᵉⵜⵜⵓⴷ? ⵎⴰⵢⴻⵎⵎⵉ ⴳⴳⵓⵔⴻⵖ ⴷⴻⴳ ⵡⴻⵔⵔⵓⴹ ⴷ ⴰⴱⴰⵔⵛⴰⵏ ⵣⵉ ⵙⵙⵉⴱⴱⴻⵜ ⵏ ⴷⴷⴻⴵ ⵏ ⵍⴻⵄⴷⵓ?”11ⵉⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ ⵙⵙⴱⴻⵀⵜⵜⵍⴻⵏ ⴰⵢⵉ ⵙ ⵉⵛⵜ ⵏ ⵜⴰⵊⵊⵓⵜ ⵉⵏⴻⵇⵇⴻⵏ ⴷⴻⴳ ⵉⵖⵙⴰⵏ ⵉⵏⵓ, ⵓⵎⵉ ⴷ ⴰⵢⵉ ⵇⵇⴰⵔⴻⵏ: “ⵎⴰⵏⵉ ⵉⴵⴰ ⴰⵔⴻⴱⴱⵉ ⵏⵏⴻⵛ?”12ⴰ ⵍⴻⵄⵎⴰⵔ ⵉⵏⵓ, ⵎⴰⵢⴻⵎⵎⵉ ⵜⵇⴻⵏⴹⴻⴷ ⴰⵎⵎⵓ, ⵜⵀⴻⴽⴽⵡⴻⵍⴻⴷ ⴷⴰⵢⵉ? ⵔⴰⵊⴰ ⴰⵔⴻⴱⴱⵉ, ⵎⴰⵖⴰⵔ ⴰⴷ ⵜ ⵇⴰⴷⵉⵖ ⵄⴰⴷ ⵅ ⵉⵙⴻⵏⵊⴰⵎⴻⵏ ⵉ ⴷⴷ-ⵉⵜⵜⴻⴼⴼⵖⴻⵏ ⵣⵉ ⵣⵣⴰⵜ ⵏ ⵡⵓⴷⴻⵎ ⵉⵏⵓ, ⵓ ⵣⵉ ⵣⵣⴰⵜ ⵏ ⴰⵔⴻⴱⴱⵉ ⵉⵏⵓ.
expand_more
Search