Zabuli41vid_pbt
Kulanda kwa mtamwa
(Kwa yalingwaluchiza kwimba. Zabuli ya Daudi.)
1Katambichizwa yalingijesa kwa chiwalo cha mzunwa,Mkulu Nguluwi komlohola zuwa lya magazo.2Mkulu Nguluwi komwamila na kumuwika yawe mkomu,mbuli za heye zolutilila goya kuli isi,Nguluwi homleka kuli ndole za wang'honyo wa heye.3Mkulu Nguluwi komtanza hoyowa mtamwa,komusila matamwa ga heye geng'ha.4Nani nandonga, “Gwa Mkulu Nguluwi, umbonele isungu,umhonye kwa vila nandikuditila gehile.”5Wang'honyo wa heni wangulongaga vibi kwa heni,“Kobagama hanili na itagwa lya heye lyajilile?”6Lowonjendela wangulongaga ulonzi wa hihi hela,wangukungajizaga gehile kwa chiwalo cha heni,lowofika kunze wanguwikulaga kwa wanji.7Weng'ha walingunzudila, hewo wangupwepwaga kwa chiwalo cha heni,wangunjesela mbuli zihile za kunditila wihe.8Wangulongaga, “Matamwa ago gomkopola,holawa kahi mchinhanda cha heye.”9Mbaka goloko wa heni ndimkundile,goloko yawele yehanzile na heni ibumunda,nakambelenhuka.10Gwa Mkulu Nguluwi, umbonele isungu,unyhinule kahi, nani ndowahilusila chibida.11Ahyo ndovizela kota kwangunojezwa na heni,kwa vila wang'honyo wa heni hawoweza kusumya heni.12Hegwe nakunyimiza kwa vila ndahela nongwa,kwangumbika kumwando kwa hegwe mazuwa gose.13Yatogoligwe Mkulu Nguluwi, Nguluwi wa Isilaeli,kulawa mazuwa gose, mbaka mazuwa gose.Ena! Ena!