1Mukunga ya Davidi. Mukunga yina ba twadisaka na mfumu ya miyimbidi.2Kyese mingi na muntu yina ke talaka mputu kyadi!Na kilumbu ya mpasi, Yave ke kuula yandi.3Yave ke keba mpe ke bumba luzinga ya yandi.Yave ke sala ti yandi kuzinga na buyenge awa na ntotompe Yave ke yekula yandi ve na maboko ya bambeni ya yandi.4Yave ke sadisa yandi ntangu yandi kele na mfulu na kati ya mpasi,Yave ke belusaka yandi na bimbevo ya yandi.5Mu tubaka: «Yave tala munu kyadi, nyakisa munu,samu ti mu me sumuka na ntadisi ya nge.»6Bambeni ya munu ke na kuzonza yimbi na nkumbu ya munu,Bawu ke na kutuba:«Wapi ntangu yandi ke kufwa?Wapi ntangu nkumbu ya yandi ke zimbana?»7Kana muntu me kwiza tala munu,ya ke kaka samu na kuzonza mambu ya luvunu,ntima ya yandi kele ya kufuluka na mambu ya yimbi.Ntangu yandi ke basika na ngaanda, yandi ke mwangisa nsangu.8Bantu nyonso yina ke yinaka munu,bawu nyonso ke na kusadila munu bamfundu ya yimbi,bawu ke na kusosa na kusadila munu yimbi.9«Kimbevo ya nsisi me bwidila yandi!Yandi me lala, yandi ke telama dyaka ve!»10Mpangi ya munu ya ntima, yina mu vwandaka tula kivuvu.Yina vwandaka kudya kintwadi madya ya munu,yandi me balukila munu.11Kasi nge Yave, tala munu kyadi, telemisa munu,mu ke futisa bawu yimbi ya bawu.12Kana bambeni ya munu kununga munu ve,na yina, mu ke zaba ti, nge zola munu.13Nge me sadisa munu samu na kusungama ya munu,nge me tula munu bilumbu nyonso na ntadisi ya nge.
*
14Nkembo na Yave, Nzambi ya Isayeli,katuka ntama samu na bantangu nyonso!Ameni, Ameni!