Yontu
41
/
dop_sim
Kʋnyɔntɔɣɔlʋ Ɩsɔ sələmʋɣʋ
1
Tɑfiiti yontu nti tə wɛ yonyoolɑɑ nyʋɣʋ tʋ
yontunɑɑ tɑɑ tɔɣɔlɔ.
2
Leleŋ nɩɩlʋ ntɛ́ wei ɩ pɑɑsəɣənɑ ɑcɑmɑɑ tɔ.
Mpi tɔ, Tɑcɑɑ ləsəɣɩ-ɩ wɑhɑlɑ tɑɑ kɛ́
kʋyɑkʋ ɩsɑɣɑʋ wule kɛ́.
3
Ɩsɔ kentiɣi pʋntʋ weesuɣu tɔɔ kɛ́,
nɑ ɩ́ cɑɣɑnɑ lɑŋhʋlʋmlɛ kɛ tɛtʋ tɔɔ.
Ɩsɔ ɩɩ yeki nɑ yʋlʋ ɩnɩ ɩ́ hoti ɩ kolontunɑɑ səkpɑŋ tɑɑ.
4
Tɑcɑɑ pɑɑsəɣənɑ-ɩ ɩ wʋsɑsɩ wɑɑtʋ kɛ́,
nɑ ɩ fɛkɩ-ɩ.
5
Mɑ kʋyɔɣɔtʋtʋ ntɛ́ sɩ: Mɑ pəntənɑ Tɑcɑɑ,
ɩlɛ nyənɩ mɑ pətɔɔtəlɛ nɑ ń wɑɑsɩ-m.
6
Mɑ kolontunɑɑ pɔɔsəɣənɑ nɑ mʋsʋŋ sɩ:
Pəlee kɛ́ n kɑ́ sɩ nɑ pɑ́ sɔɔ nyɑ́ tɔɔ?
7
Ye pɑ tɑɑ nɔɣɔlʋ kɔmɑ mɑ wiiluɣu
pɔpɔtʋ tɔm kɛ́ ɩ yɔɣɔtəɣɩ sɩ ɩ hiki
timpi ɩ kɑ cɑɣɑnɑ-m tɔ.
8
Mpɑ pɑɑ cɑɑ-m tɔ pɑ kotiɣi kɛ́ nɑ
pɑ́ wɛlətəɣɩ mɑ ɩsɑɣɑtʋ tɔm sɩ:
9
Kʋtɔŋ ɩsɑɣɑʋ hɩɩsənɑ-ɩ,
ɩ kɑɑ kʋlɩ.
10
Hɑlɩ mɑ tɑɑpɑlʋ kʋpɑŋ wei
mɑ́ nɑ-ɩ tə nɩɩkɑɣɑ təmɑ tɔm
nɑ tə́ tɔkɩ mɑ mʋtʋ tɔ
ɩ kʋlɑ mɑ tɔɔ.
11
Hɑɩ, Tɑcɑɑ nyənɩ mɑ pətɔɔtəlɛ,
nɑ ń kʋsɩ-m nɑ mɑ́ lɛɛtɩ-wɛ.
12
Mpi pɩɩ hʋlɩ sɩ n sɔɔlɑ-m tɔɣɔlɛ
wɑɑtʋ wei mɑ kolontunɑɑ kɑ́ yele koou
sɩ mpɛ pɑ kəlɑ-m tɔ.
13
N pɑɑsənɑ-m mɑ tɑmpɑnɑ təŋʋɣʋ tɔɔ,
nɑ ń sɩɩ-m nyɑ́ ɩsɛntɑɑ kɛ tɑm tɔɔ.
14
Tɑcɑɑ Ɩsɔ wei nyɑ́ n kɛ́ Ɩsɛɣɛlɩ nyə́mɑ
Ɩsɔ tɔɣɔlɛ teeli tʋ.
Ɩsɔ ɩ́ kɔnɑ mpʋ.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter