SAM41cth_bcf
Cathut e tami khangnae hoi yawhawinae
Kathutkung: Devit
1Tamimathoe hanelah ka pouk pouh e tami teh a yawkahawi e doeh.Runae tueng nah ahni hah BAWIPA ni a hlout sak han.2BAWIPA ni a hlout sak vaiteh, a pasai han.A tarannaw koe poe hanlah na pasoung mahoeh.3A pataw teh sut a yan navah BAWIPA ni thapoe vaiteh,amae hmalah bout na thaw sak han.4BAWIPA na pahren haw, ka hringnae heh dam sak haw.Bangkongtetpawiteh, nang taranlahoi ka yon toe telah ka ti.5Ka tarannaw ni nâtuek maw a due vaiteh a min raphoe lah ao han telah,thoenae koelah dueng na dei awh.6Na tho sin nahaiyah laithoe duengdoeh a dei awh.A lungthin ni payonnae dueng hah a pâkhueng teh,alawilah a tâco nah tangkuem koe ouk a dei.7Na kahmuhmanaw pueng ni kai taranlahoi arulawk a kâdei awh teh,kai pataw nahane dueng doeh a kâdei awh.8Patawnae kathout ni a man toung dawkvah, atu sut a yan toe,thaw mahoeh toe telah a kâdei awh.9Ka hui kahawi, ka kâuep e, kaie rawca ka cat e niyah,kai taranlahoi a khokpaimai na tawm sin.10Hatei, Oe BAWIPA, ahnimouh moi ka pathung thai nahanlah,na pahren nateh, bout na thaw sak haw.11Hete kong dawk kai dawk na lunghawi doeh tie ka panue.Bangkongtetpawiteh, ka tarannaw ni na tâ awh hoeh.12Kai teh pouknae kalan ka tawn dawkvah,na tawm nateh na hmalah pou na hrueng haw.13Isarel BAWIPA teh, a yungyoe hoi a yungyoe totouhpholen lah awm lawiseh.Amen hoi Amen.