ዓይኑሞ ማፃኣፖ40mdy_twf
ዓይኑሞ ሱኡጋሢ ዓይሣ ጎይፆና ዓይናዺንታ ዳውቴ ዓይኑሞ
ጋላታ ዓይኑሞ
1ናንጊና ናንጋ ጎዳ ታና ማኣዳንዳጉዲ ጊቢ ዳንዳዒ ታ ካፔኔ፤ዒዚያ ታ ባንሢ ሺሪ፥ ሺኢጲፆ ታኣኮ ዋይዜኔ።2ዓጊፃ ጫሬና ቶኦጶ ማዔሃሊፃ ዔታፓ ዒ ታና ኬሴኔ፤ቶኮ ታኣኮ ላሎ ሹጮ ዑፃ ዔቂሲዶዲ ታ ዔቃንዳ ቤሲ ዒ ታኣም ዒንጌኔ።3ታ ዻንጎይዳ ዓኪ ዓይኑሞኑ ፆኦዛሢም ጋላታ ዓይኑሞ ታኣም ዒ ዒንጌኔ፤ዬያ ሚርጌ ዓሳ ዒጊጪ ዛጊናንጊና ናንጋ ጎዳ ጉሙርቃንዳኔ።4ናንጊና ናንጋ ጎዳ ሌሊ ጉሙርቃዞንሢሜሌ ፆኦዞ ካኣሽኪሮ ሺሩዋዞንሢዬያ ሜሌ ፆኦዞ ጊንፆ ሃንታዋይዞ ዒፃ ዓሶና ዎላ ፔቴ ማዑዋዞንሢ ዓንጂንቴያኬ።5ናንጊና ናንጋ ጎዳ ማዔ ታ ፆኦዛሢዮ!ኔኤኒ ሚርጌና ዲቃሢ ሄርሺሳ ባኣዚ ኑም ማዼኔ፤ዖኦኒያ ኔኤና ቤቃይ ባኣሴ፤ኔኤኒ ኑም ማሌ ኮዦ ባኮዖኦኒያ ፓይዲ ዔራኒ ዳንዳዑዋሴ፤ኬኤዛኒና ሃይሳዻኒ ታ ዓርቄታቴያፓይዳ ታኣም ዔርቱዋያ ማዓንዳኔ።6ኔኤኒ ሚቺ ዒንጎ ዒንጊፆንታ ሜሌ ዒንጊፆዋ ኮዑዋሴ፤ቆልማ ሚቺ ዒንጎ ቤዞይዳ ሚቺንታንዳጉዲጊንሣ ሃሣ ጎሞ ጌኤሻኒ ዒንጊንታ ዒንጊፃኣኔኤም ዒንጊንታንዳጉዲ ኔ ኮዑዋሴ፤ዬያ ማዾንዶ ቤዞ ዓይሢፆ ኔኤኮ ዋይዚኔኤም ታ ማዻንዳጉዲ ኔ ታና ማሄኔ።7ዬያሮ ታኣኒ፦ «ዎጎ ማፃኣፖይዳ ታ ዛሎ ፃኣፒንቴ ጎይፆናሃይሾ ታኣኒ ሙኬኔ።8ታ ፆኦዛሢዮ! ማሊፆ ኔኤሲ ማዺ ኩንሣኒ ታ ኮዓኔ፤ዎጋኣ ኔኤኮ ታ ዒኖይዳኬ» ጌዔኔ።9ዼኤፖ ቡኪንቶ ቤዛ ፒዜ ባኣዚ ታ ኬኤዜኔ፤ናንጊና ናንጋ ጎዳሢዮ! ኔኤኒ ዔራሢጉዲታ ኬኤዛ ባኮ ኬኤዚፆ ሃሻዓኬ።10ኮሹሞ ኔኤሲ ታ ዒና ታ ዓኣቻዓኬ፤ኔኤኒ ጉሙርቂንታያና ዓውሳያ ማዔሢ ታ ኬኤዜኔ፤ዬያ ዼኤፖ ቡኪንቶ ቤዛ ኔኤኮ ናንጊና ናንጋናሹሞንታ ጎኑሞንታ ታ ዓኣቺባኣሴ።11ናንጊና ናንጋ ጎዳሢዮ! ኔ ማኣሪፆ ታጊዳፓ ሃኪሲፖ፤ኔኤኮ ናሹሞንታ ናንጊና ናንጋ ጉሙርቂንቲፃኣ ናንጊና ታና ካፖንጎ።12ሚርጌ ሜታ ታና ዋኣዪሳኔ!ዻቢንታ ታኣኮ ሚርጌሢሮ ዛጋኒ ታ ዳንዳዑዋሴ፤ዬይ ታኣኮ ቶኦኮ ጋፓናፓ ባሻያኬ፤ዬያሮ ታ ዒና ታና ዒፂ ሃሼኔ።13ናንጊና ናንጋ ጎዳሢዮ! ሃዳራ ታና ዓውሴ፤ፆኦዛሢዮ! ዑካዺ ታና ማኣዴ።14ታና ዎዻኒ ኮዓ ዓሳ ቢያ ቦርሲንቶንጎ፤ዔርቶ ዒፂ ካራ ዔያቶም ባይቆንጎ፤ታና ፑርታ ባኣዚ ሄላንዳጉዲ ማላዞንሢም ቢያቦርሲንቲ ማዖንጎ።15ታ ሎኦሜሢሮ፦ «ሂዮ! ማዳ!» ጋዓዞንሢፔኤሮ ቦርሲንቲና ዲቃቶንጎ።16ኔና ኮዓዞንሢ ጋዓንቴ ቢያ ዎዛዾንጎ፤ኮሺ ዑሣ ዓኣዼያ ዎዛዾንጎ፤ቢያ ዎዴ ኔ ዓውሲፆ ናሽካዞንሢ«ናንጊና ናንጋ ጎዳ ዼኤፒኬ!» ጎዖንጎ።17ታ ፆኦዛሢዮ! ታኣኒ ሜታዼ ዓሲኬ፤ጋዓንቴ ኔኤኒ ታና ዋሊባኣሴ፤ኔኤኒ ታኣኮ ማኣዳሢና ዓውሳሢ ማዔ ጎይፆናሃሢያ ዑኬና ታና ማኣዴ።