Read ዬ ማጻፋ 39

ዬ ማጻፋ39gmv_etw

ዳዊቲ ዛማሬታ ካቦ ኤዶታኔስ ዬጺዳ ማዛሙሬ

¹ታኒ፥ «ኢንጻርሳንናጋራ ኦንታ ማላታኒ ታ ኦጌ ናጋና፤ኢታ ኣሳቲታ ሲንን ዲዛ ዎዴታ ዶና ጎርዳና» ጋዲስ።²ታኒ ዱዴ ማላ ጮኡ ጋዲስ፤ሃራይ ኣቶሺን ሎኦ ሚሽሃሳያናፔካ ጮኡ ጋዲስ፤ጊዶ ኣቲን ታ ዋዬይሃ ዳሪዴስ።³ታ ዎዚናይ ቆፋን ሴሊዴስ፤ታ ዩሻ ቆፒሺን ታማ ማላኤጺ ኬዚዴስ።ሂስቲን ታኒ ሃሳያ ዶማዲስ።

⁴«ኣቤት ጎዳዉ! ታ ዴኦ ዉርሴኔታስ ዴኣናስ ኣቲዳ ጋላሳታታና ቤሳ።ቃሴ ታ ዳና ላይይኣይ ኬና ቃንኮታና ኤሪሳ።⁵ኔኒ ታ ላይቂ ታኮ ኬና ኬሳዳሳ፤ታ ላይ ኔ ሲንንቆዳን ባይንዳ ማላ፤ቱማፔ ኣሲ ኡባይኢሲቶ ኣ ቢዛ ጫርኮ ማላ።⁶ቱማፔ ኣሳ ዱሲ ኤሾ ማላ፤ጮ ሜላ ሃዳ ሃሮሺሾን ዳቡሬስ፤ጊዶ ኣቲን ኦኒ ኤካናኮ ኤሬና።

⁷«ኣቤት ጎዳዉ!ኔፔ ኣቲን ሃራኦናኮ ጼሎ?ታ ሂዶታይ ኔናና።⁸ታ ሞሮ ኡባፌ ታና ኣሻ፤ኤያታ ሚቻስ ታና ኬሶፋ።⁹ሃይሳ ኡባ ኦዳይኔና ጊዲዳ ጊሻስታኒ ጮኡ ጋና፤ዶናካ ፖጊኬ።¹⁰ኔ ቦሻ ታ ቦላፌ ዴን፤ኔ ዎልቃማ ሾቻ ጋሶንታ ዳቡራዲስ።¹¹ኔኒ ኣስ ኢዛ ናጋራ ጊሻስሴራሳኔ ሙራሳ፤ኢዛስ ዲዛ ኣልኦ ሚሽ ባዳ ማላኔ ዉርሳሳ፤ቱማፔ ኣሲ ኡባይ ኢሲቶጫርኪ ኣዛ ጫርኮ ማላ።

¹²«ኣቤት ጎዳዉ!ታ ዎሳ ሲያ፤ታና ማዳናስ ታ ዋሶዛ ኤዝጋ።ታ ኣፉን ጮኡ ጎፓ፤ታኒ ካሴ ታ ኣዋታ ኡባ ማላቤቴ ኣሲኔ ኢማ ጊዳዳኔ ኬን ዳይስ።¹³ታኒ ጉዬ ሲማ ያናስዳንዳዮንታሶ ባናፔ ካሴጉ ዎዴ ኡፋዬታና ማላታና ኣጋሻርኪ!» ጋዲስ።

ዬ ማጻፋ 39 / gmv_etw

ዳዊቲ ዛማሬታ ካቦ ኤዶታኔስ ዬጺዳ ማዛሙሬ

ዬ ማጻፋ39gmv_etw