Zabuli38vid_pbt
Kulanda kuli magazo
(Zabuli ya Daudi. Kwa kukumbuchila.)
1Gwa Mkulu Nguluwi, uleche kung'hanuchila heni kwa ng'halazi ya hegwe,uleche kungaza kwa kuzudila kwa hegwe.2Misale ja hegwe najihoma lukuli lwa heni,moko wa hegwe naung'hundujiza hasi.3Kuduhuli honhu hawele hanojile mlukuli lwangu,kwa vila nakuzudila kwa chiwalo cha heni,haduhuli hawele na mong'ho mbaka kuli mizeje ja heni,kwa chiwalo cha gehile ga heni.4Nangubikwa ng'hatu na gehile ga heni,gangunhunya kota mhomholo ng'hulu.5Vilonda vya heni vyola na kunhung'ha,kwa chiwalo cha upoka wa heni.6Ndibina mbaka hasi na kuhondigwa,nemisi yeng'ha ndanguzunguluta ndilombocheza.7Lukuli lwa heni nalumema utamwa,mlukuli mwa heni mwa haduhu honhu hawele goya ne hado.8Nganda na kupondigwa pondigwa,ndangulila kwa kugazigwa mnhumbula.9Gwa Mkulu, hegwe kuvizela maya ga heni geng'ha,kwa hegwe hachivisile hebu chililo cha heni.10Nhumbula yangutama, mong'ho umalila heni,mbaka meho ga heni kahi hambe galole goya.11Goloko na wayangu wangiwika kutali na heni kona magazo ga heni,nhanzi ya heni yanguwa kutali na heni kahi.12Walingugana kung'hopola wanguwika goya midiwa ja hewo,walingugana ndumile, wanguwika goya udesi kundumya.Nemisi yeng'ha wangiwika goya kwa chiwalo cha heni.13Ila heni ndiwa kota yohambe yahuliche, hambe nyhuliche,ndiwa kota yohambe yalonje, hawezile kulonga chinhu.14Ena, ndiwa kota munhu yohambe yahuliche,kota munhu yohawele na choneche cha kilewela.15Ila ndangukubeteza, gwa Mkulu Nguluwi,hegwe konyhidichila, gwa Mkulu Nguluwi, Nguluwi wa heni.16Ndangukulanda hela wang'honyo waleche kundonga vibi,waleche kitogola kwa kugwa kwa heni.17Habehi ng'hatu ndogwa,ndina usungu wa mazuwa gose.18Ndangulonga kwa mlomo wa heni wihe wa heni,gehile ga heni gangungalila masinzo.19Wang'honyo wa heni wa goya,wenji lukami walingunzudila ne chiwalo.20Walinguhilusa wihe kwa ganojile ga heni,wangundonjeleza kwa vila ndangudita ganojile.21Uleche kunhoza, gwa Mkulu Nguluwi,uleche kuwa kutali na heni, Nguluwi wa heni.22Uye himahima kunhanza,gwa Mkulu Nguluwi, uwele ndo ulohozi wa heni.