SAM
37
/
kij_png
share
Share
Avaka bibodasi tomitugaga deli tomitukwaibwaila
1
Gala bukuninayuwa tutala kuninamsi tomitugaga.
Gala wala bukupogi matausina availa availa ivagaisi vavagi gaga.
2
Makateki bitamwausi makawala mnumonu kalasia eikalimati,
kaina bikaligasi makawala kai yekwesila eimwailela.
3
Kudubumi Guyau, e deli kumitukwaibwaila.
Bukusisu om valu
info
e gala wala bukusilagi.
4
Bukubani uulotoula m mwasawa baisa Guyau,
e matauna bisakaim avaka nanom.
5
Bukutugwalaim baisa Guyau.
Kudubumi wala matauna, e matauna bipilasaim.
6
Matauna bivigaki m mitukwaibwaila makawala kalasia iyuwoula,
deli kam kwaraiwaga kala duwosisia bititapi makawala kalasia tutala bitouwota.
7
Bukupeuloki e kutulotula bukugisi avaka Guyau bivagi,
e gala goli bukunokubukubu paila matausina isim si guguwa bidubadu,
kaina paila matausina availa availa bogwa ipeulasi osi mitugaga.
8
Gala bukutagwala kidamwa ninayuwa kaina gibuluwa mwada bikau nanom.
Vavagi mwau wala biviloubusi metoya makwaisina.
9
Matausina availa availa idubumaisi Guyau, matausina goli bisigagasi mapilana valu.
Mitaga makateki tomota bibokavilaisi tomitugaga.
10
Igau goli makateki tomitugaga bitamwausi.
Kaina bukunevi mitaga gala wala bukubani matausina.
11
Matausina ninasi watanawa bisigagasi mapilana valu.
Bogwa bibanaisi bidubadu si guguwa, e deli bivakotasi osi valu.
12
Tomitugaga inainevi ammakawala biyogagi tomitukwaibwaila,
e ikapwinipwini matala baisa matauna.
13
Mitaga Guyau iyosokani tomitugaga,
paila inikoli bogwa makateki bidoumsi.
14
Tomitugaga ibiigilaisi si puluta e iikwaisi si kaiyala
mwada bikatumataisi tonamakava deli togumalawa,
deli bikatumtuwolaisi tomitukwaibwaila.
15
Mitaga kasi tilaula tomitugaga bitovilasi
bikatumataisi metoya si puluta titoulesi
e bikomtumtaisi makaisina kaiyala.
16
Kaina tobwaila la guguwa pikekita wala,
mitaga kala bwaina saina bikalisau si guguwa tomitugaga komwaidosi.
17
Paila Guyau bikau si peula tomitugaga
e bikoli matausina tobubwaila.
18
Guyau iuvauli matausina availa availa ikabikuwolaisi matauna,
mapaila matausina bisigagasi goli mapilana valu.
19
Gala bibodaisi mmayuyu wa tuta mwau.
Bogwa bibanaisi avaka bibodi matausina otutala molusaula.
20
Mitaga tomitugaga bikaligasi.
Guyau kala tilaula bitamwausi makawala kai lalela,
e bitamwausi makawala mseu.
21
Tomitugaga isim kala wasi e gala avai tuta biuwoli makwaina.
Mitaga tomitukwaibwaila tuta komwaidona tokatalova wala.
22
Matausina availa availa Guyau imitukwaii
bogwa bisigagasi mapilana valu.
Mitaga matausina availa availa Guyau ibuloti,
tomota biyabaisi wala matausina.
23
Guyau iuvakadaida bitala avai keda ibodi bitaloula,
e kidamwa tayomwasali nanola, bogwa bikolaida wala.
24
Kidamwa takapusi, gala goli takanuvagasi,
paila Guyau bitomiliwolaida.
25
Bogwa latomoya, e ulo tuta bogwa ikalisau,
mitaga gala avai tuta agisi mwada Guyau eisilavi avai tobwaila,
e gala goli agisi litula bininigadasi paila kaula.
26
Tuta komwaidona tobwaila matauna ililalasi deli itagwala availa biwasi baisa matauna,
e litula goli matausina bobwailila metoya baisa Yaubada.
27
Kutovilasi bukupakaisi mitugaga e bukumitukwaibwailasi,
e tubumia bogwa bisigagasi baisa osi valu.
28
Paila Guyau iyebwaili karaiwaga duwosisia,
e gala wala bisilavi la tomota matausina mina kimadagi.
Matauna goli kasi tokwala tuta gala biwokuva,
mitaga tomota bibokavilaisi tomitugaga tubusia.
29
Tomitukwaibwaila bisigagasi mapilana valu,
e bisivagasisi baisa goli.
30
Matauna tobwaila saina tobigabwaila,
e tuta komwaidona matauna tokibobuta goli.
31
Ikabikuwoli la Karaiwaga la Yaubada onanola,
e gala avai tuta bikoulovi.
32
Tomitugaga iiyausi tomitukwaibwaila,
e inainevi ammakawala bikatumati.
33
Mitaga Guyau gala wala bitugwali matauna tomitukwaibwaila baisa kala tilaula,
e otutala yakala, gala bitagwala bikamogaisi matauna.
34
Bukupikwakwaisi Guyau, e bukukwabikuwolaisi la karaiwaga makwaisina.
Matauna bogwa bisakaimi mi valu,
e makawala goli bivigaki kami taimamila.
E igau bukugisaisi ammakawala bibokavili tomitugaga.
35
Omitibogwa yeigu anikoli taitala tomitugaga, saina giyougaga matauna.
Matauna saina towonaku odubasi tomota, makawala goli kweisilela Lebanoni odabala kai komwaidona.
info
36
Mitaga kwaitala tuta laliloula makadana, taga bogwa eitamwau.
Anainevi matauna mitaga gala wala gagabila babani.
37
Kuvitusaisi tobwaila, e kumitakavataisi tomitukwaibwaila.
Paila matauna tomanum isim dalela.
38
Mitaga tomitugaga idoumlabasi wala,
e dalesi gala isim pesisi.
39
Guyau ikatumovi tomitukwaibwaila,
e ikoli matausina wa tuta mwau.
40
Ipilasi e ikoli matausina.
Ikatumovi matausina metoya baisa tomitugaga,
paila bogwa eilokaiasi matauna paila bikwalasi.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
chevron_right
Next Chapter