Zabuli37kdc_pbt
ZABULI YA 37
(Zabuli ya Daudi.)
1Sikuuigaze mbuli ya iwanhu otenda gehile,sikuuwonele migongo iwanhu wehile.2Kwavija onyala himahima kamba mijani,na ofa kamba minoga mibisi.3Mtamanile Mndewa Imulungu, na utende ganogile,ukale mwiisi na udeng'helele goya ganogile.4Zahila deng'ho jako kwa Mndewa Imulungu,na heyo kokugwaa gaja gousulukila mmoyo wako.5Mgwelele Mndewa Imulungu nzila zako,mtamanile heyo, na heyo kokutendela vino.6Koilava kunze haki yako kamba mulenge,na haki ya kitala chako kamba zuwa da imisi.7Ukale tuluu kuulongozi wa Mndewa Imulungu,na umbete kwa kufunga umoyo,sikuuigaze mbuli ya imunhu yomweda mnzila yake,na imunhu yogelegeza gehile.8Sikuugevuzike na uleke ludoko,sikuugevuzike buleavo kotenda gehile.9Kwavija iwanhu otenda gehile okanhigwa,lakini iwanhu ombeta Mndewa Imulungu oihazi isi.10Kwavija kisigala kipindi kidodo iwanhu wehile olawanya,kowazahila kuwakalile lakini okuwa kuduhu.11Lakini iwanhu wahole oihazi isi,na odeng'helela mna iditindiwalo kulu.12Imunhu yehile kogelegeza mbuli ya imunhu mwene haki,na kodafuna meno gake mbuli yake,13lakini Mndewa komseka,kwavija kolola kamba siku yake yokwiza.14Iwanhu wehile osomola sime na upinde wao,ili wamkome mkiwa na ngaengae,na wawachinje iwanhu otenda ganogile.15Lakini misime yao ingile mmizoyo yao wenyego,na pinde zao zibeneke.16Kidodo kiyelinacho mwene haki kinoga,kubanza ivingi viwelinavo iwanhu wehile.17Kwavija nguvu za iwanhu wehile zobenigwa,lakini Mndewa Imulungu komgoga mwene haki.18Mndewa Imulungu koukaliza ugima wa iwanhu wanogile,na uhazi wao okala milele,19zahavika siku zihile hawagwa kinyala,mna zisiku za nzala okuwa na vingi.20Lakini iwanhu wehile opotela,awo omwihila Mndewa Imulungu onyala kamba maluwa,na osegela kamba yosi.21Iwanhu wehile okopa lakini hawabweza,lakini wene haki olava kwa moyo unogile.22Kwavija awo otambikilwa na Mndewa Imulungu oihazi isi,lakini awo waduwiligwe okanhigwa.23Kamba Mndewa Imulungu yahanogezwa na nzila ya munhu,kozikaliza ngayo zake.24Hamoja kogwa, hasigala hasi siku zose,kwavija Mndewa Imulungu komtaza.25Nikala mbwanga, na sambi namvele,lakini sinamona mwene haki kalekigwa,hebu wanage opula ndiya.26Siku zose heyo kokopesha kwa moyo unogile,wanage okuwa nhunza.27Leka gehile utende ganogile,na gweye kokala milele.28Kwavija Mndewa Imulungu konogezwa na haki,hawaleka iwanhu wake otamanilwa,kowakaliza milele,lakini iwana wa iwanhu wehile osegesigwa.29Iwanhu wanogile oihazi isi,na okala mwiisi ayo milele.30Mulomo wa imunhu yanogile olonga mbuli za ubala,na lulimi lwake lolonga mbuli za haki.31Malagizo ga Imulungu wake ga mmoyo wake,magulu gake hagatelebuka.32Wanhu wehile waifisa kuwavamila wene haki,olonda kuwakoma.33Mndewa Imulungu hamgela imunhu yanogile mmakono ga iwanhu wehile,na hamuleka yahumwe yahagaligwa mkitala.34Mtamanile Mndewa Imulungu na ugoge nzila zake,na heyo kokukuza uitawale isi,na kowona iwanhu wehile vonda wabanangwe.35Nimona imunhu yehile msede,kaikweza uchanha ya wose kamba mwelezi wa Lebanoni.36Lakini kalawanya hakoneke kabili,hamoja nimzahila hakoneke kabili.37Muloleni imunhu yelibule kitala na imunhu yanogile,kwavija imunhu yodinogela tindiwalo kana siku nyingi za kukala ako kumwande.38Lakini iwanhu wose otenda nzambi obanangwa,ugima wa ako kumwande wa awo wehile okanhigwa.39Ukombola wa iwanhu wanogile olawa kwa Mndewa Imulungu,heyo ayo ngome yao mmagazo.40Mndewa Imulungu kowataza na kowakombola,kowakombola kulawa mmakono ga iwanhu wehile na kowalekesa,kwavija hewo wamkimbilila heyo.