Obwengehusi bw’omunya-byâha n’olukogo lwa Nyamuzinda
1Gwârhi omukulu w’abimbiza. Lwa mwambali wa Nyamuzinda. Lwa Daudi.2Obubî kuderha buderhera omu murhima gw’omuntu mubî; obwôba bwa Nyamuzinda burhamubà oku masù.3Bulyâla omurhima gwâge kulimîrhiza gumulimirhiza, mpu arhamanyaga obubî bwâge bwankanamushologorha.4Ebinwa birhenga ekanwa kaga ciru byône bya bwengûza, bibà bya bulyâlya, Okurhimanya n’okukola kwinjà arhacikuyishi.5Ajîre oku ncingo, bibî arhanya, ajire omu njira, enjira mbî yo ntonyi, obubî bwâge arhabuleka.6Yâgirwa wêhe olukogo lwâwe luhisire oku nkuba, oburhabêsha bwâwe buhumire oku bitù.7Obushinganyanya bwâwe kwo buli ak’entondo za Lungwè, okumany’itwa emmanja kwâwe kwo kuli nka muhengere gwa nyanja. We ciza abantu we ciza n’ebintu Nyamwagirwa.8Nnâmahanga mushâna oburhonyi bwâwe bwône! Barhâgaywa abâna b’abantu bakaz’iyâkira omu byûbi byâwe;9banakaz’ishêga oku mwandu gw’ebinja bibà omu mwâwe, bakola basûza obahêke aha nshalalo y’obununîrizi bwâwe.10Bulya nêci enshôko y’akalamo aha burhambi bwâwe ebà, n’akamole kâwe ko rhubonamwo obulangashane.11Abakugashâniza obabêze omu burhonyi bwâwe, n’abajira omurhima gushingânîne obabêze omu bushinganyanya bwa we.12Okugulu kw’omuntu mugayanyi irhondo kurhampikagakwo, n’okuboko kw’omunya-byâha irhondo kurhampumagakwo.13Lâba oku enkola-maligo oku idaho zikola ziri, zalundusire zirhanacilobôke.