Mazmure Maxaafa35gof_ltw
Bixatida Asa Woosa
Dawita Mazmure
1Godaw, taara baaxeteysatar ne baaxeta;tana oleyisata ne ola.2Gondallenne toora oykada,tana maaddanaw denda.3Tana gooddeyisata bollane tooranne mashsha dentha;taako “Ta nena ashsheysa” yaaga.4Ta shempuwa wodhanaw koyeysati,yeellato; kawuyo.Ta bolla iitabaa maqeteysati,kawuyidi guye simmo.5Godaa kiitanchoy enta yedethiya wode,enti carkon laaletiya suullada hano.6Godaa kiitanchoy enta gooddiya wode,enta ogey dhumanne hallithi gido.7Gaasoy bayna tana oykanaw xihe wothoosona;tana kundisanaw olla bookosona.8Eronna de7ishin enta bolla dhayoy yo;enti wothida xihey enta oyko;enti bookida ollan kundidi dhayo.9He wode taani Godan ufaytana;I ashshida gisho hashshu gaana.10Ta kumetha asatethay nena,“Godaw, ne meli oonee?Manquwa wolqaamaa kushiyape kessa ekaasa;metootanchuwanne un7etidaysa,bonqeyisata kushepe ashshaasa” yaagana.11Wordo markateysati ta bolla dendoosona;ta eronnaban tana mootosona.12Ta lo77o oothida gisho iita zaaridosona;tana bizza oothidosona.13Shin enti hargida wode taani kayo ma7o ma7as;ta asatethaa xooman daabursas;ta woosay zaaro demmonna attis.14Tana kawushadadabbos woyko ishas yeekeysada yeekas.Issi asi ba aayes kayoteysadata huuphiya oykada yeekas.15Shin taani dhubetida wode ufaytidi shiiqidosona;gaasoy bayna tana wadhidi,aggonna ixidosona.16Iita asati ootheysada enti tana qelqisidosona;yilotidi banta acha garcidosona.17Godaw, neeni awude gakanaw,si77i gada xeellay?Enta iita oosuwape tana ashsha;ta al7o shempuwa ha gaammotape wosisa eka.18He wode gita shiiqon ta nena galatana;daro asay de7iya bessan nena bonchana.19Gaasoy bayna tana morkeysati ufaytofo;tana coo ixeysati ta bolla qam7otopo.20Enti saroba haasayokona;si77i gidi de7iya asaa bolla oda xaaxosona.21Enti banta doona ta bolla dooyidi,“Haysa be7a, ne oothidaysanuuni nu ayfen be7ida” yaagosona.22Godaw, neeni hessa be7adasa;si77i goopa.Godaw, taape haakofa.23Ta Xoossaw, ta Godaw ta gisho,denda; barka;ta doona gidada mooteta.24Ta Godaw, ta Xoossaw, xillotethan taw pirda;ta morketa ufaysofa.25Enti banta wozanan, “Hashshu, nu amoy poletis;nuuni iya mittida” gaana mela oothofa.26Ta waayan ufayteysati, yeellato, kawuyo;ta bolla ceeqeteysati yeellanne kawushe ma7o.27Ta xoonuwa doseysati ufayto;ililo; hashshu yaago.“Ubba wode ba aylliya sarotethan,ufaytiya Goday dhoqu dhoqu go” yaago.28Ta inxarsay ne xillotethaanne ne galataa,gallasa kumethan odees.