Read ዓይኑሞ ማፃኣፖ 33

ዓይኑሞ ማፃኣፖ33mdy_twf

ጋላታ ዓይኑሞ

¹ዒንሢ ፂሎ ዓሳ! ናንጊና ናንጋ ጎዳ ማዼ ባኮሮ ዎዛዹዋቴ፤ፒዜዞንሢ ዒዛ ጋላታንዳያ ኮይሳኔ።²ጎኦላ ዋርቂ ናንጊና ናንጋ ጎዳ ጋላቱዋቴ፤ታጶ ሻዦ ዴንሢ ዋርቆ ጎኦሎናኣ ዒዛም ዓይናዹዋቴ።³ዓኪ ዓይኑሞ ዒዛም ዓይናዹዋቴ!ጎኦሎ ሚዛጲሲ ዴንሢ ዋርቁዋቴ፤ዎዛናኣ ዒላሹዋቴ።

⁴ናንጊና ናንጋ ጎዳኮ ቃኣላ ጎኔ ቃኣላኬ፤ማዻኣ ቢያ ዒዛኮ ጉሙርቂንታያኬ።⁵ናንጊና ናንጋ ጎዳ ፂሉሞና ፒዜ ዎጊሢና ናሽካኔ፤ዒዛኮ ናንጊና ናንጋ ናሹማ ሳዖ ኩማኔ።⁶ናንጊና ናንጋ ጎዳሢ ቃኣሎናጫሪንጫ ማዢንቴኔ፤ዒዛኮ ዑኡዞና ዓቦንታ ዓጊኖንታዦኦጋሢያ ማዢንቴኔ።⁷ባዞ ዋኣፆ ቢያ ዒ ፔቴ ቤስካ ቡኩሲ ዴይሤኔ፤ዼኤፖ ዔቶ ባዞ ዋኣፆማኣዴዓንዳ ቤሲ ዒዚ ጊኢጊሼኔ።

⁸ሳዖይዳ ናንጋ ዓሳ ቢያ ናንጊና ናንጋ ጎዳ ዒጊጩዋቴ፤ዓጮይዳ ዓኣ ሜሌ ዴራ ቢያ ዒዛ ቦንቹዋቴ።⁹ዒዚ «ማዖም» ጋጋዓዛ ሳዓ ማዢንቴኔ፤ዒዛኮ ዓይሢፆና ቢያ ባካ ዶዲ ዔቄኔ።

¹⁰ናንጊና ናንጋ ጎዳዴሮኮ ጌኖ ማሊፆ ቱኡዞ ሁርዲሳኔ፤ዔያቶኮ ማሊፆዋ ፓሡዋያ ማሃኔ።¹¹ናንጊና ናንጋ ጎዳ ቱኬ ቱኡዛ ናንጊና ዶዲ ናንጋያኬ፤ዒዛኮ ማሊፃኣ ሾይንቲፓ ሜሌ ሾይንቲ ሄላያኬ።¹²ናንጊና ናንጋ ጎዳ ማዔ ፆኦዛሢ ዓሲ ማዔያናዒዚ ፔ ዓሲ ማሂ ዶኦሬ ዴሬ ዓንጂንቴያኬ!

¹³ናንጊና ናንጋ ጎዳ ጫሪንጫፓ ሊካ ዛጋኔ፤ዓሲ ዜርሢ ቢያ ዒ ዴዴንቃኔ።¹⁴ዒዚ ፔኤኮ ካኣቱሞ ዖይታ ዴዒሳዖይዳ ዓኣ ዓሶ ቢያ ዛጋኔ።¹⁵ዒዚ ቢያሢኮ ዒኖ ማዤሢኬ፤ዔያታ ማዻ ባኮዋ ቢያ ዛጋኔ።

¹⁶ካኣታ ፔ ዖሎ ዓሶ ሚርጉሞና ዖሊ ባሹዋሴ፤ዖሎና ዔርቴሢ ፔኤኮ ዼኤፖ ዎልቆና ሃይባፓ ቶሉዋሴ።¹⁷ፓራሢና ዖሊ ባሻንዳኔ ጌዒ ዎዛ ጌሥሢ ጉሪኬ፤ዔያታ ዬያ ዎልቆና ዖናኣ ዓውሳኒ ዳንዳዑዋሴ።

¹⁸ናንጊና ናንጋ ጎዳ ዒዛ ዒጊጫዞንሢናዒዛኮ ናንጊና ናንጋ ናሹሞ ሃጋኣ ዎዛ ማሃዞንሢ ዛጋኔ።¹⁹ሃይቦይዳፓ ዒዚ ዔያቶ ዬያና ዓውሳኔ፤ናዮ ዎዶናኣ ሼምፔና ዒዚ ዔያቶ ዓይሳኔ።

²⁰ሼምፓሢ ኑኡኮናንጊና ናንጋ ጎዳ ሃጊ ማዓ ዎዛ ማሂ ካፓኔ፤ኑና ማኣዳሢና ኑኡኮ ጊቲማሢያኣ ዒዛኬ።²¹ዒዛኮ ዱማዼ ሱንፆ ኑ ጉሙርቃሢሮዒዚ ኑና ዎዛሳኔ።

²²ናንጊና ናንጋ ጎዳሢዮ!ኑኡኮ ሃጊ ማዓ ዎዞ ኔና ኑ ማሄ ጎይፆናኔኤኮ ጋፑዋ ናሹማ ኑኡም ማዖንጎ።

ዓይኑሞ ማፃኣፖ 33 / mdy_twf

ጋላታ ዓይኑሞ

ዓይኑሞ ማፃኣፖ33mdy_twf