Read ማዝሙረ ማፃፋ 33

ማዝሙረ ማፃፋ33gof_etw

ኬሀ ፆሳይ ሳበቶ

¹ህንተኖ፥ ፅሎቶ ጎዳስ ኡፋይሳን እልልተ፤ሱረ አሳት እያ ጋላታናዉ በሴስ።²ማስንቆን ጎዳ ጋላትተ፤ታሙ ሻያን ዋፀትዳ ዲን የፅተ።³ኦራ የ እያዉ የፅተ፤ዲ ሎይድ ዲፅሸ እልልተ።

⁴ጎዳ ቃላይ ቱማ፤እያ ኦሶ ኡባይ አማነተይሳ።⁵ጎዳይ ፅሎተነ ቱማ ፕርዳ ዶሴስ፤እያ ማሮታይ ሳኣ ኩምስ።

⁶ጎዳ ቃላን ሳሎት መትዶሶና፤እያ ዶናፐ ከይያ ሸምፑዋንሳሎን ደእያ መተት የለትዶሶና።⁷አባ ሃ እስ በሳን ኤልስስ፤ጪሞ ሃ ምንጃ ኬን ዎስ።⁸ሳአ ኡባይ ጎዳ ያዮ፤አሳ ኡባይ ጎዳ ቦንቾ።⁹እያ ኦዳን ኡባይ ሀንስ፤እ ኪትን ምንድ ኤቅስ።¹⁰ጎዳይ ካዎተታ ሀልቹዋ ሀዳ ኦስ፤ኤንታ ቆፋ ላሌስ።¹¹ጎዳ ሀልቾይ መርናዉ ኤቅድ ደኤስ፤እያ ዎዛና ቆፋይ የለተ ኡባሳ።¹²ፆሳይ ኤንታዉ ጎዳ ግድዳ ካዎተይ፥እ ባባ ኦድ ዶርዳ አሳይ አንጀትዳይሳታ።¹³ጎዳይ ሳሎን ኡትድ ፄሌስ፤አሳ ኮቸ ኡባ በኤስ።¹⁴ጎዳይ ባ አራታን ኡትድ፥ሳአን ደእያ ኡባ በኤስ።¹⁵ኤንታ ዎዛና መዳይ እያ፤ኤንቲ ኦያባ ኡባ እ ኤሬስ።¹⁶ካዎይ ባ ዎታዳረ ዳሮተን አተና፤ኦላንቾይ ባ ዎልቃ ምኖተን ከስ ኤከና።¹⁷ፓራን ፆናና ግድ ናጎይ ሀዳ፤እ ባ ምኖተን አሻናዉ ዳንዳኤና።¹⁸ጎዳ አይፈት እያዉ ያያነእያ ማሮታን ኡፋይስ ኦያ አሳ በኦሶና።¹⁹ሄስካ ኤንታ ሀይቆፐ አሻናሳነኮሻ ዎደ ኤንታ ናጋናሳ።²⁰ኑኒ ጎዳ ኡፋይሳን ናጎስ፤ኑና ማደይነ ኑ ጎንዳለይ እያ።²¹እያ ጌሻ ሱንን ኑኒ አማነትያ ግሾ፥ኑ ዎዛናይ እያን ኡፋይቴስ።²²ጎዳዉ፥ ኑኒ ነናን ኡፋይስ ኦዳይሳዳ፥ነ ማሮታይ ኑ ቦላ ግዶ።

ማዝሙረ ማፃፋ 33 / gof_etw

ኬሀ ፆሳይ ሳበቶ

ማዝሙረ ማፃፋ33gof_etw