Read Soũↄ 33

Soũↄ33bqc_sim

Lua táasilɛa

¹À gulakɛ Diiɛ gbɛ̃maaↄ,à kũ̀ nↄ̀sɛpuadeↄ aà táasilɛɛ.²À Dii tↄbↄ ń domao,à lɛsiɛ̀ ń mↄↄnao.³À lɛ̀ dafu siɛ̀,à pↄ́ lɛ́ ń dↄ̃ao ń pↄna wiio.⁴Asa yã́ pↄ́ Dii ò sĩana vĩ,a náai vĩ a yãkɛa píi guu.⁵A ye yãmaai ń yã́zɛdeo,Dii gbɛ̃kɛ dṹnia pà.⁶Dii yã'oa mɛ́ musu kɛ̀,aà lɛ́'ĩana mɛ́ musupↄↄ pɛ̀pɛ.⁷À ikàlɛ gudoũ, à gↄ̃̀ ísia ũ,à íↄ kã̀aa, à gↄ̃̀ ísi ũ.⁸Dṹnia gbɛ̃́pii, à vĩakɛ Diiɛ,gbɛ̃́ bɛ̃́ɛↄ píi, à misiilɛɛ̀.⁹Asa à yã'ò ↄ̃ dṹnia kɛ̀,à yãdìlɛ ↄ̃ à gↄ̃̀ kálɛa.

¹⁰Dii ì lɛ́ pↄ́ buiↄ kpàaĩ gboo,ì kpa bùsudeↄnɛ ń yã́ pↄ́ aalɛ yáo.¹¹Yã́ pↄ́ Dii zɛ̀ò ìↄ zɛa gíũgiũ,yã́ pↄ́ aà pↄ gbà ìↄ ku gↄↄpii.¹²Báaaden bui pↄ́ Dii dɛ ń Lua ũà ń sɛ́ a pↄ́ ũↄ ũ.

¹³Za musu Dii ì gugwa zĩ́lɛ,ì gbɛ̃nazĩnaↄ e píi.¹⁴Za aà kúkĩi ì wɛpãgbɛ̃́ pↄ́ kú dṹnia guuↄla píi.¹⁵Aàpi mɛ́ sↄ̃ dↄ̀ baadeɛ,ì wɛsi ń yãkɛaↄlɛ píi.

¹⁶Kía lí zĩble a zĩgↄ̃ dasikɛ yã́io,zĩ̀kanae lí bↄ a gↄ̃sakɛ yã́io.¹⁷Sↄ̃́ náaikɛa à ń bↄ ɛɛ vĩ,baa ń a gbãakɛo a fↄ̃ gbɛ̃́ suabao.¹⁸Dii wɛ́ pɛa a vĩakɛnaↄwa,gbɛ̃́ pↄ́ an wɛ́ dↄ aà gbɛ̃kɛziↄ.¹⁹A ń bↄ ga lɛ́zĩ,a ń gwa aafia nↄana gↄↄ.²⁰Wá wɛ́ ìↄ dↄ Diizi,ↄ̃mɛ wá Dↄnlɛde ũ, wá sɛ̀ngbao ũ.²¹Asa Dii ↄ̃ wá pↄ ì kɛwà na,wá aà tↄ́ pↄ́ a kua adoa náai vĩ.²²Dii, n gbɛ̃kɛ àↄ kúwanↄlá wá wɛ́ dↄnziwa.

Soũↄ 33 / bqc_sim

Lua táasilɛa

Soũↄ33bqc_sim