Izehhiden32rif_lti
1N Dawud. Axemmi.
Sseɛd n wenni umi tᵉttwaɣfar tɛeddit nnes, wenni umi dřin x ddnub nnes.2Sseɛd n weryaz wenni umi war iḥeṣṣeb SIDI řmuɛṣiyyet nnes, wenni ɣar iǧa buḥbeř war dayes bu řɣecc.3Umi sqareɣ, arcan iɣsan inu, s uzehhar inu, ass marra.4Maɣar ass d ǧiřet issedqeř ayi ufus nnec, idammen n tudart inu dewřen am řaẓaɣ n unebdu. Silah.5Ssaregbeɣ ac ddenb inu, war ssduryeɣ řmuɛṣiyyet inu. Necc nniɣ: “Ad neɛmeɣ x ixeṭṭan inu ɣar SIDI!”, xenni Cek teɣfared ayi řmuɛṣiyyet n ddenb inu. Silah.6S uyenni marra amtiqqi ad ac isjed di řweqt umi ɣa tejjed bnadem ad Cek yufa. Xmi din ict n sseḥřet n waman aṭṭas, war t třeqqef qaɛ.7Cek d amcan n udurri i necc, tessared ayi zi řeḥṣaret, tquwwared ayi s iɣuyyan n řefraḥet n ufekki. Silah.8Necc ad cek wceɣ řefhamet uca ad ac ssřemdeɣ abrid ittxeṣṣa ad dayes tuyured. Necc ad cek weṣṣiɣ, ad xak tiři tiṭṭ inu.9War ttiři am uyis, am usardun břa řeɛqeř, nni ittxeṣṣa ad ten qemmɛen s ssrimet d weryam, niɣ war izemmar ad ɣarek dd-iqarreb.10Aṭṭas ǧant tamara n uɛeffan, maca wenni ittcařen x SIDI, ad as iquwwar Netta s tmexsiwt nnes icewwaren.11Farḥem di SIDI, arecqem, a imseggaden, sřiweřwem, a marra inni ɣar iǧa wuř iseggmen!
Sseɛd n wenni umi tᵉttwaɣfar tɛeddit nnes, wenni umi dřin x ddnub nnes.2Sseɛd n weryaz wenni umi war iḥeṣṣeb SIDI řmuɛṣiyyet nnes, wenni ɣar iǧa buḥbeř war dayes bu řɣecc.3Umi sqareɣ, arcan iɣsan inu, s uzehhar inu, ass marra.4Maɣar ass d ǧiřet issedqeř ayi ufus nnec, idammen n tudart inu dewřen am řaẓaɣ n unebdu. Silah.5Ssaregbeɣ ac ddenb inu, war ssduryeɣ řmuɛṣiyyet inu. Necc nniɣ: “Ad neɛmeɣ x ixeṭṭan inu ɣar SIDI!”, xenni Cek teɣfared ayi řmuɛṣiyyet n ddenb inu. Silah.6S uyenni marra amtiqqi ad ac isjed di řweqt umi ɣa tejjed bnadem ad Cek yufa. Xmi din ict n sseḥřet n waman aṭṭas, war t třeqqef qaɛ.7Cek d amcan n udurri i necc, tessared ayi zi řeḥṣaret, tquwwared ayi s iɣuyyan n řefraḥet n ufekki. Silah.8Necc ad cek wceɣ řefhamet uca ad ac ssřemdeɣ abrid ittxeṣṣa ad dayes tuyured. Necc ad cek weṣṣiɣ, ad xak tiři tiṭṭ inu.9War ttiři am uyis, am usardun břa řeɛqeř, nni ittxeṣṣa ad ten qemmɛen s ssrimet d weryam, niɣ war izemmar ad ɣarek dd-iqarreb.10Aṭṭas ǧant tamara n uɛeffan, maca wenni ittcařen x SIDI, ad as iquwwar Netta s tmexsiwt nnes icewwaren.11Farḥem di SIDI, arecqem, a imseggaden, sřiweřwem, a marra inni ɣar iǧa wuř iseggmen!