Mazmure Maxaafa31gof_ltw
Ta Shempiw Ne Kushen Wothas
Zammaareta Halaqaas Xaafetida Dawita Mazmure.
1Abeeti Godaw, ta neeko baqatayis;awudeka tana yeellayopa;ne xillotethan tana ashsha.2Ne haythaa taako zaara;ellesada tana ashsha.Neeni, taw geemmiya zaalla;tana ashshiya mino miixa gida.3Ee, ne taw zaallanne miixa;ne sunthaa gisho tana kaaletha;ogiya bessa.4Ne taw geemmiya besse gidiya gisho,enti qotidi wothida xihepe tana naaga.5Abeeti Godaw, tuma Xoossaw,ta shempuwa ne kushen wothayis;ne tana woza.6Pathonna eeqata goyinneyisata ta ixayis;gidoshin taani Godan ammanetayis.7Ta metuwanne ta un7a ne be7ida gishotaani merinaw ne siiquwan ufaytana.8Ne tana morke kushen aathada immabaaka;ta tohota dalga bessan essadasa.9Abeeti Godaw, taani meton gelida gisho taw qadheta;Ta daro azzanida gisho ta ayfey mulcatis;ta ashoynne ta shempoy daaburis.10Ta de7oy azzanon, ta laythay oolen wuris;waaye darotethan ta wolqay wuris;ta meqethati argaacidosona.11Ta morketa ubbaas qidhes attas;ta shoorotas yeella gidas.Ta laggetas daganthiyaba gidas;tana be7eysati taape haakidosona.12Ta hayqida asada dogetas;meqa miisheda wora yegetas.13Taani darota kalkashaa si7as;ubba bessara dagami de7ees.Enti ta bolla tobboosona;tana wodhanaw maqetoosona.14Shin Godaw, ta nenan ammanetana;neeni ta Xoossaa.15Ta de7o laythay ne kushiyana;tana yedethiya ta morketa kushepe tana ashsha.16Ne aylliya bolla ne som7uwa poo7isa;ne maarotethan tana ashsha.17Abeeti Godaw, ta nena xeegiya gisho,tana yeellayopa.Shin iitati yeellato;duufon gelidi si77i go.18Otoroninne boren xillota bollaminnidi haasaya gisho,enta wordo inxarsaa si77i ootha.19Nena yayyeysatas ne minjida,neeko baqateysatas ne giigisida,keehatethay ay mela daro!20Neeni enta ne sinthan, geema bessan gentha wothadasa;asaa iita maquwafe ashshaasa;iita inxarsafe ne dunkaaniyan qosadasa.21Morkey teqida katamaa giddon,malaalsiya ba maarotethaa tana bessida,Goday galatetto.22Ta dagammada, “Ne sinthafe haakas” gas;shin ta maado koyada neeko waassida wode,ta waasuwa ne si7adasa.23Hinteno, Xoossa asaw, Godaa dosite;Goday ammaneteyisata naagees;shin otoranchotas enta gatiya qanxees.24Hinteno, Godan ufaysi ootheysato,minnite; gencite.