Ninge31gfk_tbl
A nianga tupas no tunotuno nong i kure ira ut na ninge: Devit ga pit iakan ra ninge.
1Watong, iau te barahit taam.Waak u bale bia da hahirhir iau.Halangalanga leh iau haruat ma no num magingin takodas.2Sa talingaam ukai ho iau.Hanuat gasien wara halhalon iau.Nu hanuat hoing no nugu haatkis wara barbarahit,ma no dadas na hala na munmun wara halhalon iau.3Augu no nugu haatkis ma no nugu dadas na subaan na munmun.Io kaik, nu lua tagu ma nu lam iau waing da ru no hinsaam.4Halangalanga iau sukun no kuun nong di te tagure tar ie utagu,kanong augu no nugu barbarahit.5Iau tar se no tanuagu ukatiga tano limaam.Kul halangalanga iau, Watong, augu no God ta ira tutun.6Iau malentak ta diet ing diet patep ta ira palimpuo ing taie ta tutun ine.Iau nurnur tano Watong.7Iau ni kanakana ma ni guama narako tano num harmarsai,kanong u te nes ira nugu hinangulma u nunure tar no tamat na ngunngutaan tano nugu lon.8Pau tar se iau tar ta ira lima diet ira ebar.Iesen u te hatur ira kakigu tano bilai na sibaan na harbalaurai.9Marse iau, Watong, kanong iau kis taar ra tamat na tinirih.Ira matagu i sus ma ra sunuah na tapunuk.No balagu ma no tamaigu i sakena mah.10No nugu lon i hung ma ra tamat na tapunukma ira nugu tinahon i kumkum hanahaan ing iau tur na sunuah.Ira nugu dadas i puko kanong ta ira nugu ngunngutaan,ma ira surugu i manmanil.11I burena ta ira nugu ebar,ira hinsakagu diet manga nes hanapu iau.Ira nugu harwis mah, diet malok tagu.Sige ing diet nes iau tano ngaas, diet hilau tagu.12Diet te luban iau hoing bia iau gate maat.Iau haruat hoing tiga gingop na taah i te tamaparok taar,13kanong iau hadade bia a halengin diet tangtange hagahe iau.A ramramin i luhutane iau.Diet wor tika wara hinelar tagu,ma diet iangianga tika wara kapkap se no nugu lon.14Iesen iau nurnur taam, Watong.Iau tange, “Augu no nugu God.”15Ira nugu pakana bung na nilon ke ta ira limaam.Kap sare iau ta ira nugu ebar, diet ing diet paspasak iau.16I bilai bia no matmataan taam na murarang naliu tano num tultulai.Halon iau ma no num harmarsai nong pana le pataam.17Watong, waak bia da hahirhir iau,kanong iau te tataau tupas ugu.Iesen waak ira ut na sakena bia diet na kis ra hirhirma diet na noh matien narako tano hanuo na minaat.18Hamarur ira palabulu diet ira ut na harabotakanong diet sa butbut ma diet lik hanapu ira mes,kaik diet la bulbul hasur ira ut na takodas ma ira udiet latlaat.19A tamat saakit no num bilbilainong u bul tagure tar ie wara udiet ing diet ru ugu.Ma ta diet ing diet barahit taam,huo mah u la tamtabar diet ma no num bilbilai kaia ra matmataan ta ira tunotuno.20U kap leh diet talur ira ut na harpingitbia diet naga barbarahit ra matmataan taam.U bul timaan diet tano subaan u lon tanasukun ira karame diet ing diet wara tungtung diet.21A pirhakasing tupas no Watong,kanong i ga haminas no uno bilai na harmarsai taguing di ga tur luhutane iau ma di ga ubu iau.22Ing iau ga kalar, iau ga tange hoken:“Iau te takutus talur no matmataan taam.”Iesen u ga hadade no nugu tintaau wara gaiena harmarsaiing iau ga tataau ugu wara harharahut.23Sip no Watong, muat ing muat te tar tutun ira numuat nilon tana.No Watong i balaure tar ing diet la murmur timaan ie,iesen i la balbalu ira ut na latlaat haruat ma ira dadas ta ira udiet sakana magingin.24Muat na tur dadas ma muat na balaraan,muat ing muat kis nanahai tano Watong.