Kananaana dadaaqiani fee innaaru.
1Oo Yaawee qini namuqaa moomoo maridaqa, qini qiqoondikiqa mariusa quandaki qini namuqaakidaqa.2Misa qiniara maaqi qidaqa.Anutufa sia mina dadaaqiannoo fee qidaqa.3Miqi qimariafana oo Yaawee anee qini aiqama kari mandainainaki itita qimaqee marianafa mariananoo.Anee rakiranaki uriqararana qimiseenana qini paasoosirafa taikanoo marina kaifaa qimiananoo.4Qinee Yaaweena dadaaqianifeera aaree marunanoo narí naaquqara aaqanasaaqari iriseenoo dadaaqirana qiminoo.5Qinee maqasaa faiqaqee unaanoo aiqama eendirana Yaaweefa qini itita qimaqaidanoo.6Namuqaauqa nukudara foora qini fiqu fiqu iqa marianara sia qinee rufiaidaqa.7Qini Anutu, qini Yaawee anireenana qini mandainainaki marunnana dadaaqia.Anee qini namuqaa aiqama aupurarana nimiseenana misa afeeka siaisaikamma sainaqa maridaqa sia qini daruaqa.8Oosana oosana ummaaraki uriqararafa ani Yaawee finaindari anidanoo.Mifa narí faiqí anaasee amiqi amiqimma nimaqaani.